Lexoni nga Psalmi 56
Koha e Zotit në K’ankuk
Ditën që do të të thërras ty, armiqtë e mi do të kthejnë krahët. Këtë e di sepse Perëndia është për mua. (v. 9)

K’ankuk ishte një fshat Celtal ku tetë familje ishin larguar nga feja e tyre animiste për t’u bërë të krishterë. Si rrjedhojë, shtëpitë e tyre ishin shkrumbuar nga fshatarët e tjerë. Familjet e krishtera tani po jetonin në skajin e fshatit, dhe kishin ftuar për vizitë pastor Manuelin, edhe neve.
Rrugës për në K’ankuk ecnim në qetësi, duke i bërë sytë katër. Si do të reagonin këta banorë të dhunshëm ndaj vizitës së një pastori dhe ca misionarëve?

Ndërkohë që po i afroheshim fshatit, papritur dëgjuam të bërtitura. Disa burra shkuan me vrap përgjatë shtegut. Dy prej fshatarëve po tërhiqnin zvarrë një vajzë adoleshente. E njohëm vajzën menjëherë, sepse vëllai i saj po udhëtonte me ne. Ai ishte një i konvertuar i ri, por familja e tij nuk ishin ende besimtarë.

Vëllai i vajzës vrapoi para nesh, duke iu hakërryer dy burrave se do t’i godiste me shufër nëse nuk e lëshonin motrën e tij. Kur këta dy rrëmbyes panë pjesën tjetër të grupit që po vinte hipur mbi kuaj, e lëshuan vajzën dhe ia mbathën vrapit.

Ja kush ishte zakoni në ato anë: nëse një vajzë e re rrëmbehej dhe mbahej për një natë, atëherë prindërit e djalit nuk kishin pse të paguanin prikën (apo çmimin e nuses). Koha e përsosur e ardhjes sonë e shpëtoi atë vajzë nga një martesë e padëshiruar. Dhe kjo ngjarje ishte një provë fantastike e hirit të Perëndisë për të riun që sapo ishte konvertuar dhe për familjen e tij që nuk ishte e krishterë. — Helen Hofman

Ndërsa luteni, lavdëroni Perëndinë për kohën e tij të përsosur, dhe mbahuni fort pas premtimeve të tij për të na çliruar.

Categories: Meditimet

0 Comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.