Meditime – 10 Shkurt

Lexoni nga Veprat e Apostujve 12:1-17

Është dikush aty jashtë

Ja, unë qëndroj te dera dhe trokas; nëse dikush dëgjon zërin tim dhe hap derën, do të hyj tek ai dhe do të ha darkë me të dhe ai me mua. (Zbu 3:20)

Ndërsa po shkoja të flija, më befasoi një krijesë leshatore që ishte duke vështruar tek dritarja pranë derës kryesore. Krijesa po vështronte ngultas, dhe sytë e mëdhenj kaf që kishte dukeshin sikur thoshin: “Të lutem, më lër të hyj!”. Nga habitja e madhe ulërita: “Është dikush aty jashtë!”.

Nuk kishim asnjë synim të fusnim brenda atë që dukej si një mi arash, por kjo më solli ndërmend Pjetrin kur u ndihmua nga një engjëll për t’u arratisur nga burgu. Mbreti Herod e mbylli pas hekurave Pjetrin sepse ishte pjesë e kishës. Ndërkohë që kisha po lutej me zjarr, një engjëll iu shfaq Pjetrit në qeli, duke e zgjuar dhe duke e ndihmuar të arratisej. Pasi u largua engjëlli, Pjetri shkoi tek shtëpia ku kisha ishte duke u lutur për të. Ai trokiti në derë dhe një shërbyese e re shkoi të shihte kush ishte. Kur dëgjoi zërin e Pjetrit, ajo u emocionua aq shumë saqë harroi të hapte derën. Në vend që të hapte derën, u kthye mbrapa me vrap dhe ia thirri me të madhe: “Është Pjetri tek dera!”.

Libri i Zbulesës e përshkruan Jezusin teksa qëndron tek dera e zemrës sonë. Ai po troket dhe po pret që ne t’i hapim jetët tona atij. Menjëherë sapo ta ftojmë brenda, ai do të jetë përgjigja e lutjeve tona për shpëtim, falje dhe një qëllim për jetën. Kur e ndjeni se po troket, mos ulërini “Është dikush aty jashtë!”. Thjesht hapjani derën!—Steve Laman

Lutje: Na ndihmo o Jezus të ta hapim derën e zemrës sonë në mënyra më të mëdha.

Komente

komente

Leave a Reply

Your email address will not be published. Required fields are marked *