Lexoni nga Romakëve 12:9-21
Të duam të tjerët në mes vështirësive
Duajeni njëri-tjetrin me dashuri vëllazërore. Në nderim t’ia kaloni njëri-tjetrit. (v. 10)

Këto meditime po i shkruaj në muajt e parë të vitit 2021, dhe në këtë kohë vaksinat kundër Kovid-19 janë në etapat e para të shpërndarjes së tyre. Ka shumë debat nëse duhet bërë apo jo vaksina, nëse duhen vendosur apo jo maskat dhe deri në cilën masë duhet të jenë të mbyllura shkollat, kishat, eventet sportive dhe bizneset.

Pavarësisht nëse këto gjëra janë ende realitet sot që po e lexoni këtë, pandemia nuk ka nxjerrë gjithmonë më të mirën në ne. Në këtë stinë, ne nuk kemi reaguar gjithmonë me dashuri apo me një përpjekje për t’ia kaluar njëri-tjetrit në nderim (v. 10). Kur gjërat shkojnë kundër nesh, kur njerëzit na lëndojnë apo nuk bien dakord me ne, apo kur tranzicionet tronditin besimin tonë, aftësia jonë për të dashur njëri-tjetrin vihet në provë. Ndoshta pikërisht tani ju keni njerëz në jetën tuaj, të cilët e keni të vështirë t’i doni për shkak të dhimbjes që ju kanë shkaktuar.

Romakëve 12:12 na sfidon me këto fjalë: “[Jini] të gëzuar në shpresë, të qëndrueshëm në shtrëngime, këmbëngulës në lutje”. Së bashku me lutjen, peshoni pak sfidën për të qëndruar të gëzuar në shpresë dhe të qëndrueshëm në shtrëngime. Dalloni nëse ka ndonjë mënyrë që Perëndia dëshiron që ju të “hapni rrugë”, t’u tregoni hir të tjerëve dhe t’i menaxhoni mosmarrëveshjet sipas mënyrës së Krishtit. Nëse keni nevojë për motivim për ta bërë këtë, merrni në konsideratë Jezusin, kur po jepte jetën për ju, se si i trajtoi ata që po e kryqëzonin dhe si u lut ai për ta. — Steve Petroelje

Ndërsa luteni, i kërkoni Perëndisë t’ju ndihmojë t’i doni të tjerët në kohë të vështira.

Categories: Meditimet

0 Comments

Leave a Reply

Avatar placeholder

Your email address will not be published. Required fields are marked *

This site uses Akismet to reduce spam. Learn how your comment data is processed.