Lexoni nga 1 e Pjetrit 5:6-11
Nëpër tranzicion me lutje
Duke hedhur gjithë merakun tuaj mbi të, sepse ai kujdeset për ju. (v. 7)

Nuk është diçka e pazakontë t’i kërkojmë ndihmë Perëndisë pasi të jemi përpjekur vetë për të menaxhuar një situatë të caktuar. Mendoni pak se çfarë ndryshimi do të ishte nëse do të kalonim më shumë kohë në lutje dhe më pak kohë duke u përpjekur të kontrollonim rrethanat tona.

Lutja duhet të jetë hapi i parë, jo rezerva e fundit. Nëse do të luteshim më herët, e imagjinoj se do të ishim dëshmitarë të punës së Perëndisë, do të përjetonim më pak ankth dhe madje, do të fillonim të luteshim më me zell për nevojat e të tjerëve. Tranzicionet dhe ndryshimet e papritura shpeshherë shkaktojnë ankth. Ndoshta e mbani mend se si jeni ndjerë kur humbët punën, kur prisnit rezultatet e analizave apo të biopsisë, kur shihnit fëmijën tuaj që shkonte përmes një periudhe të vështirë në shkollë, kur dyshonit tek qëllimet tuaja apo kur pyesnit veten a do të ishit në gjendje të paguanit qiranë apo faturat e tjera.

Tek 1 e Pjetrit 5:7, lexojmë: “Duke hedhur gjithë merakun tuaj mbi të, sepse ai kujdeset për ju”. Ç’ftesë e mrekullueshme! Ju mund të hidhni gjithë merakun tuaj te Perëndia duke e ngritur atë në lutje para tij. Perëndia kujdeset për ju në mes të asaj që po kaloni. Rëndësinë e lutjes e shohim përgjatë gjithë Biblës. Perëndia na fton të lutemi dhe na premton se do të na dëgjojë (shih Jer. 29:11-13).
Ndoshta sot keni shumë gjëra për të bërë. Fillojeni ditën duke e mbuluar atë me lutje, në vend që lutjen ta mbani si rezervën e fundit. — Steve Petroelje

Ndërsa luteni, hidhni haptazi ankthin tuaj tek Perëndia, duke mbajtur mend se sa shumë kujdeset ai për ju.

Categories: Meditimet

0 Comments

Leave a Reply

Avatar placeholder

Your email address will not be published. Required fields are marked *

This site uses Akismet to reduce spam. Learn how your comment data is processed.