Meditime – 12 Shkurt

Lexoni nga 1 Gjoni 5:1-13

Biri bën gjithë ndryshimin

Ai, që ka Birin, ka jetën; ai që nuk e ka Birin e Perëndisë, nuk ka jetën. (v. 12)

Në një ditë të ftohtë shkurti unë dhe prindërit e mi po udhëtonim me makinë. Atë ditë dielli po shkëlqente fort dhe depërtonte tek dritaret duke e ngrohur shumë shpejt ambientin. Nuk ishte fare nevoja të ndiznim ngrohjen. Ishim ngrohtë në sediljet tona dhe po na lezetonte. “Ua, dielli vërtetë që bëka gjithë ndryshimin”, komentoi nëna ime ndërsa po zhvishte xhaketën.

Komenti i saj më bëri të mendoja për një tjetër lloj dielli. Jo në kuptimin e plotë por në atë figurativ, pra, Birin e vetë Perëndisë, Jezusin. Apostulli Gjon shkruan se nëse e pranojmë Jezusin si Zot, atëherë do të kemi jetë të përjetshme. Falë vdekjes dhe ringjalljes së tij, ne nuk kemi pse t’i frikësohemi vdekjes. Përkundrazi, ne kemi sigurinë se Perëndia do të na mirëpresë në parajsën e tij për shkak se drejtësia e Jezusit bëhet shpëtimi ynë. Gjoni gjithashtu shkruan se nëse kemi besim tek Jezusi, atëherë e kemi mundur botën, ose e kemi mposhtur fuqinë e saj. Djallit i pëlqen ta deklarojë të vetën këtë botë dhe njerëzit në të, por nëse ne i përkasim Jezusit, atëherë djalli nuk ka asnjë të drejtë mbi ne. Jezusi tashmë e ka mposhtur atë në kryq.

Fjalët e nënës sime ishin të vërteta në lidhje me rrezet e diellit, dhe në mënyrë të ngjashme, edhe Jezusi, Biri i Perëndisë sjell vërtetë gjithë ndryshimin për të gjithë atë që besojnë. Ai e ndryshon ambientin përreth nesh. Si ka sjellë ndryshimin Jezusi në gjithçka në jetën tuaj?—Steve Laman

Lutje: Faleminderit o Jezus për ndryshimin që sjell në jetët tona.

Komente

komente

Leave a Reply

Your email address will not be published. Required fields are marked *