Lexoni nga 2 e Timoteut 3:10-17
Pusi i pashtershëm
Që nga fëmijëria i njeh Shkrimet e shenjta. (v. 15)

Kur isha i vogël, kishim një libër me ilustrime plot ngjyra të historive të Biblës, i cili gjendej në mes të librave të Teta Deles dhe Dr. Sus. Nëna ime i kishte vënë vath në vesh fjalët e Palit që thonë se fëmijët duhet t’i njohin shkrimet e shenjta. Ajo ishte e qëllimshme që të tre djemtë e saj ta njihnin Biblën. Kështu që aty kemi lexuar për arkën e Noeut, rrobën e Jozefit dhe Davidin që përdori një hobe për të vrarë Goliathin.

Edhe pse ndoshta nuk e artikuloja dot mendimin tim atëherë, e dija se këto histori biblike nuk ishin si asnjë nga historitë e tjera që më lexonte nëna. Por tani mund ta them arsyen: historitë biblike nuk zbërtheheshin në mësime të rregullta morale. Ato nuk ishin si tregimet e tjera, ku pasi ta kishe “kapur” thelbin, vazhdoje më tjetrën. Bibla është ndryshe. Ne nuk mbarojmë kurrë me të. Abraham Xhoshua Heshel e kap këtë ide në mënyrë të fuqishme: “Ne të gjithë vijmë tek [Bibla] për të marrë prej saj, dhe ajo qëndron e pastër, e pashtershme dhe e plotë . . . Është një libër që nuk mund të vdesë . . . Edhe pse ka më shumë se dy vjet që ajo lexohet dhe hulumtohet, nuk është arritur që të eksplorohet kuptimi i plotë i saj” (”Perëndia në kërkim të njeriut” fq. 242).

Sot mua më pëlqejnë tregimet nga Bibla që kam mësuar që i vogël edhe më shumë se më parë dhe ende jam i mahnitur prej tyre. Përgjatë dy javëve në vijim do të eksplorojmë disa prej këtyre tregimeve të pashtershëm; tregime që nuk u ikën kurrë koha për nga vlera e tyre, dhe nuk dalin menjëherë në mësime të moralshme. Ato lidhen me ne në nivele shumë të thella. Mbajini sytë dhe veshët të hapur për atë që Perëndia po thotë përmes tyre. — Jeff Munroe

Ndërsa luteni, falënderoni Perëndinë për dhuratën e mrekullueshme të Biblës.

Categories: Meditimet

0 Comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.