Lexoni nga Luka 9:1-6
Mos merrni asgjë për rrugë
Dhe u tha atyre: “Mos merrni asgjë për rrugë: as shkopinj, as trastë, as bukë, as para dhe as të kini nga dy tunika”. (v. 3)

Një nga aftësitë universale tek të cilat mbështetemi është të sigurohemi që të kemi gjithçka që na duhet përpara se të shkojmë diku. Unë, për shembull, dua që djali im kur del të shkojë në shkollë të mos harrojë të marrë takat e vrapit që i duhen në stërvitje, gjithashtu dua që edhe shoferi i karroatrecit të ketë të gjitha veglat me vete kur të ngec në rrugë.
Kjo tendenca për të dëshiruar të jemi plotësisht të përgatitur, në fakt, mund të na pengojë që t’i themi “po” urdhërimit të Perëndisë për të shkuar. Qoftë kur bëhet fjalë për të bërë një lëvizje të vogël të zemrës drejt faljes, apo për ndryshim karriere jashtë shtetit, çështja e të pasurit gjithçka që na nevojitet mund të na ndalojë që të marrim hapin. Sepse ne vrasim mendjen: “A do jem i/e sigurt? A kam dhuntitë apo aftësitë e duhura për këtë gjë? Nga do të më vijnë financat e domosdoshme? A do të kem gjithçka që më nevojitet?”.
“Mos merrni asgjë për rrugë” do të thotë se ne që e duam Jezusin kemi tashmë, tek Ai, gjithçka që na nevojitet. Pavarësisht nga thirrja që Jezusi ka për ne, ai është Mbreti ynë mbi mbretër dhe Zoti ynë mbi zotër, Shpëtimtari ynë i ringjallur dhe fitimtar. Dhe ai është
“Jahve Jire”, Perëndia ynë që siguron për ne, ai që na thërret. Ai do të jetë për ne gjithçka që na nevojitet ndërkohë që shkojmë. — Linda R. Rubingh

Ndërsa luteni, mos harroni që ju mund të shkoni sepse Jezusi, Bariu juaj i mirë ju dërgon, dhe ai do të sigurojë gjithçka për të cilën keni nevojë.

Categories: Meditimet

0 Comments

Leave a Reply

Avatar placeholder

Your email address will not be published.

This site uses Akismet to reduce spam. Learn how your comment data is processed.