Meditime – 3 Shkurt

Lexoni nga Gjoni 14:1-7

Jezusi: I vetmi i autorizuar

Jezusi i tha: “Unë jam udha, e vërteta dhe jeta; askush nuk vjen tek Ati përveçse nëpërmjet meje”. (v. 6)

Kur u prish ashensori i vogël 20 vjeçar, për karrocën time të invalidit, që kishim në furgon, e çuam në ofiçinë për ta riparuar. Ata përcaktuan se defekti ishte tek paneli i kontrollit, por ishte e vështirë të gjendej pjesa për ta riparuar. Prodhuesi ishte blerë nga një kompani tjetër dhe më vonë zbuluam se kjo ofiçinë nuk ishte agjent i autorizuar shitjesh. Pasi kaluam tre muaj duke provuar panele nga tregu i pjesëve të këmbimit, ashensori u mendua se ishte i pariparueshëm. Para se të kërkonim për një ashensor të ri, thamë të provonim një ofiçinë tjetër, kësaj radhe një agjent të autorizuar shitjesh. Brenda një jave ashensori u rregullua.

Kjo përvojë më ka mësuar rëndësinë për t’u marrë me dikë i cili është person i autorizuar. Jezusi është i vetmi që është i certifikuar për të hapur qiejt për ne. Pasi Jezusi u tha dishepujve të tij se po shkonte të përgatiste një vend për ta në shtëpinë e Perëndisë, Thomai nuk e kuptoi se ku po shkonte Jezusi dhe as se si do të shkonte deri atje. Zoti i shpjegoi se ai është e vetmja udhë për të shkuar tek Ati. Kur ne besojmë se Perëndia i ka falur të gjitha mëkatet tona përmes kryqëzimit të Jezusit, atëherë mund të hyjmë në qiell me sigurinë që do të pranohemi nga një Perëndi i shenjtë. Përmes vdekjes dhe ringjalljes, Jezusi ka autorizuar pranimin tonë në qiell.

Përpjekjet e agjentit të autorizuar bënë të mundur që unë ta merrja përsëri karrocën time elektrike kudo që shkoja. Jezusi bëri të mundur qiellin për të gjithë ne. Falë sakrificës së tij, ne kemi një vend në qiell.—Steve Laman

Lutje: Faleminderit Jezus që ke autorizuar qiellin për ne.

 

Komente

komente

Leave a Reply

Your email address will not be published. Required fields are marked *