Meditime – 7 Korrik

Lexoni nga Eksodi 3:1-6

Vend i shenjtë

Të zhvendosem për të parë . . . (v. 3)

Thirrja e Moisiut është sa dramatike, aq edhe e zakonshme. Mund të ishte një ditë tjetër çfarëdo. Thjesht një bari që kullot delet e tij. Moisiu nuk po kërkon një takim dramatik me Perëndinë, por Perëndia e thyen dhe hyn tek e zakonshmja. Përgjatë Shkrimit, në përgjithësi ky është modeli se si Perëndia angazhohet. Davidi është duke kullotur delet, por pastaj Perëndia e bën mbret. Pjetri, Jakobi dhe Gjoni po peshkojnë, por pastaj Jezusi i fton ata ta ndjekin atë. Perëndia bën lëvizjen e parë. Ne nuk po e kërkojmë, por ja ku na del përpara; diçka ndryshe.

Ndoshta nuk është një ferrishte që digjet edhe flet, por nëse i kushtojmë vëmendje veprës së Perëndisë në jetët tona, Perëndia vazhdon ende të thyejë të zakonshmen tonë dhe të hyjë në të. Momentet e shkretëtirës bëhen të shenjta dhe rrjedha e jetëve tona merr kthesën drejt misionit të Perëndisë. A mund të mendoni për një moment të tillë në jetën tuaj?  Për mua, një moment i tillë erdhi në moshën 10 vjeçare, kur takova Dr. Bill Brownson (i cili asokohe ishte president i shërbesës Fjalët e Shpresës). Qëndroja përkrah babait tim ndërsa ai priste të takonte Billin pas një predikimi. Ai i shtrëngoi dorën babait tim, vështroi nga unë dhe tha me zërin e tij të natyrshëm miqësor: “Një ditë, ti do të bëhesh një misionar”.

Nuk më la ndonjë përshtypje atëherë, por shumë vite më vonë, ndërsa i kushtova vëmendje rrugëtimit të jetës sime, ai moment doli në pah si hera e parë që Perëndia mbolli farën e shërbesës në zemrën time.  Hidhini një sy jetës suaj. Ku e shihni se po shfaqet Perëndia? “Zhvendosuni për të parë”. Rrjedha e jetës suaj mund të marrë një kthesë.—Jon Opgenorth

Lutja: O Perëndi, më ndihmo të të dëgjoj, kur ti thërret.

Komente

komente