Lexoni nga Gjoni 20:1-10; Mateu 6:14-15
Fuqia për të falur
Atëherë rendi dhe erdhi te Simon Pjetri. (Gjoni 20:2)

Kjo është hera e parë që emri i Pjetrit shfaqet në Ungjillin sipas Gjonit pas mohimit që ai i bëri Jezusit. Atë natë të errët, që ne e quajmë e Premtja e Zezë, Pjetri u soll sikur nuk e njihte fare Jezusin. Ndërsa tani, me kryqëzimin që u rëndon dishepujve në zemër dhe me varrimin e trupit të vdekur të Jezusit që tregon qartë se kjo nuk ishte thjesht një ëndërr e keqe, Maria shkon tek varri për të vajtuar. Kur sheh që guri kishte lëvizur, gjëja e parë që ajo bën është të vrapojë tek Pjetri.

Mendoj që veprimet e Marisë na tregojnë pak se në çfarë mënyre duhet të sillet edhe kisha. Maria nuk e trajtoi Pjetrin sikur të ishte i përjashtuar, edhe pse ai e kishte mohuar Jezusin pikërisht kur ai ia kishte nevojën. Maria duhet ta ketë ditur se çfarë kishte bërë Pjetri. Ajo rrinte tek këmbët e kryqit me Gjonin, i cili kishte qenë dëshmitar i mohimit të Pjetrit, ndërkohë që Pjetri nuk gjendej askund. E megjithatë, ajo gjeti forcën brenda saj për ta falur atë. Veprimet e Marisë parapërfytyrojnë atë që vetë Krishti do të bënte për Pjetrin: ta falte, pra. Gjoni 21 e bën të qartë këtë.
Ne kemi fuqinë për të falur mëkatet. Madje Jezusi thotë: “Kujt do t’ia falni mëkatet, do t’i jenë falur” (Gjoni 20:23). Ne kemi mundësinë e jashtëzakonshme për të ndjekur rrugën e Krishtit dhe shembullin e Marisë, për të falur. Nuk është e lehtë, por kjo është rruga e Krishtit, dhe Maria na ndihmon duke na e treguar atë rrugë. — Jon Brown

Ndërsa luteni, i kërkoni Perëndisë t’ju ndihmojë të falni ata që kanë nevojë për faljen tuaj.

Categories: Meditimet

0 Comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.