Lexoni nga Jakobit 4:7-10; 5:13
Me dy mendje
A heq keq ndonjë nga ju? Le të lutet. A ka zemër të gëzuar ndokush? Le të këndojë psalme! (5:13)

Tomasi ishte një plak kishe në kishën e re të fisit Celtal, dhe gjithashtu një punonjës shëndetësie. Ai ishte një person i zotë, shumë i dashur dhe i sjellshëm.

Një ditë, doli një thashethem se ai po tradhtonte Marian, gruan e tij. Ajo erdhi tek unë për të folur dhe për t’u lutur për këtë problem. Maria tha: “Është njësoj si të kem dy mendje. Njëra më thotë se kjo gjë për burrin tim nuk mund të jetë e vërtetë; që duhet të jetë gënjeshtër. Ndërsa mendja tjetër më thotë që mund të jetë e vërtetë. Të gjitha gratë e pëlqejnë Tomasin sepse ai i ndihmon shumë me nevojat e tyre mjekësore. Një mendje më thotë të mos shkoj më në kishë, por të qëndroj në shtëpi”. Pastaj shtoi: “Djalli më thotë: ‘Maria, sa naive që je. Ka burra të tjerë plot. Të gjithë po mëkatojnë; dhe burri jot gjithashtu. Je kaq budallaqe’. Pastaj mendja tjetër më thotë të mos e dëgjoj djallin, por vetëm Perëndinë”.

Ajo erdhi që ne të luteshim së bashku për t’i kërkuar Perëndisë që ta ndihmonte atë të kundërshtonte “zërat e këqij” dhe t’i qëndronte besnike Tomasit. Ne u lutëm së bashku, dhe Perëndia i dha paqe mendjes së Marias. Me kohë, edhe emri i Tomasit u pastrua nga akuzat e rreme, dhe ata vazhduan të jenë një çift që duhen dhe mbështesin njëri-tjetrin. “Kundërshtoni djallin dhe ai do të arratiset prej jush!” (v. 7). — Helen Hofman

Ndërsa luteni, i kërkoni ndihmë Perëndisë aty ku ju duhet sot. Mendoni se si edhe ju mund të luteni për një vëlla apo motër që po lufton me dy mendje.

Categories: Meditimet

0 Comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.