Lexoni nga Mateu 11:28-30
Ritmi i pasforcuar i hirit
“Ejani tek unë, o ju të gjithë të munduar dhe të rënduar, dhe unë do t’ju jap çlodhje.” (v. 28)
“Jeta ime është shumë e ngarkuar! Nuk kam kohë mjaftueshëm!” Sa shpesh e gjejmë veten duke e thënë këtë? Kërkesat e jetës nuk mbarojnë kurrë dhe ne jemi vazhdimisht duke nxituar, duke u sulur nga një gjë te tjetra. Dhe rezultati është se ngelemi duke u ndjerë të stërmunduar, të shpërqendruar dhe plotësisht të rraskapitur.
Piktograma kineze për “ngarkesën e punës” është një kombinim i dy personazheve, zemrës dhe vdekjes. Kjo është vërtet diçka mendjemprehtë. Zemra është vendi ku jeta e ngarkuar shkarkon haraçet e saj më vdekjeprurëse. Ngarkesa e vret zemrën, e shuan shpirtin dhe na bën më pak njerëzorë. Por kam lajme të mira për ju. Perëndia ka një ritëm të ndryshëm në mendje. Një ritëm më çlirues dhe jetëdhënës. Jezusi na fton që të shkojmë tek Ai dhe të gjejmë çlodhje. Ai na fton që ta jetojmë gjithë jetën, madje dhe çastet e ngarkuara dhe stresuese, nga ky vend çlodhjeje. Siç thotë dhe ajo shprehja: “Nëse duam që të arrijmë Perëndinë, duhet të ngadalësojmë.”
Prandaj, dëgjoni ftesën që Jezusi ka për ju sot: “A jeni të lodhur? Të rraskapitur? Të zhgënjyer nga feja? Ejani tek Unë. Ejani me mua dhe do të ripërtërini jetën tuaj. Unë do t’ju tregoj se si të keni çlodhje të vërtetë. Ecni me Mua dhe punoni me Mua. Shikoni se si e bëj Unë. Mësoni për ritmin e pasforcuar të hirit. Nuk do t’ju jap barrë të madhe apo të rëndë. Qëndroni me Mua dhe do të mësoni të jetoni me liri dhe lehtësi”. (Mt. 11:28-30) – Brian Keepers
Ndërsa luteni, kërkojini Perëndisë t’ju ndihmojë të çlodhni zemrën në Jezusin dhe të shkoni drejt ritmit të pasforcuar të hirit sot.