web-woh-30-nen

Pritja

Loading poll …

Meditime 30 Nëntor (Lexoni nga Isaia 40:21-31)

Por ata që shpresojnë te Zoti fitojnë forca të reja, ngrihen me krahë si shqiponja, vrapojnë pa u lodhur dhe ecin pa u lodhur. (v. 31)

A jua ka kërkuar njeri të “prisni mu këtu”, ndërsa ata shkuan të merrnin një dhuratë për ju? A ju kanë sfiduar ndonjëherë t’i besoni procesit, të kini durim ndërsa planet shpalosen apo hiqni dorë nga pritshmëritë tuaja dhe të rrini në pritje me besim në të panjohurën?

Periudha e Adventit nis nesër. Kjo kohë pritjeje është një periudhë që të krishterët e pranuan fillimisht që nga shekulli i katërt. Adventi ka të bëjë me pritjen e qëllimshme; një kohë e veçantë pritshmërie e përqendruar rreth kremtimit të lindjes së Jezusit. Në këtë periudhë na inkurajojnë t’i ulim ritmet, ta lejojmë Frymën e Shenjtë të na çojë drejt pendesës dhe ripërtëritjes dhe të presim me durim për adventin (ardhjen) e Jezusit që e festojmë çdo Krishtlindje.

Ndërsa e mbyllim këtë seri meditimesh për mirënjohjen, shpresoj që të mund të presim gjithë gëzim edhe ardhjen e dytë të Krishtit, kur Ai do të zbresë në tokë edhe një herë për të mbledhur të gjithë ata që besojnë dhe do t’i çojë në shtëpi në qiell (Gjoni 3:16; 14:3).

Nëse nuk ia keni rrëfyer mëkatet Jezusit dhe nuk e keni pranuar dhuratën e Tij të jetës së përjetshme, ju lutem, mos prisni më gjatë! Krishti na ka premtuar jetë të përjetshme – pa mëkat, pa dhimbje dhe pa pikëllim. Nuk mund të jemi mirënjohës për diçka më të madhe se kjo. Le ta nderojmë Perëndinë me jetët tona, të jetojmë në mirënjohje dhe pritje të zellshme për përjetësinë me Të! – Joy Petroelje

Ndërsa luteni, falënderojeni Perëndinë për ardhjen e parë të Krishtit dhe për kohën kur Ai do të vijë sërish!

#30nentor #fjalëteshpresës #meditime #app #ios #android

web-woh-29-nen

Mirënjohës për aromën

Loading poll …

Meditime 29 Nëntor (Lexoni nga Numrat 28:16-25)

Kështu do të ofroni çdo ditë, për shtatë ditë me radhë, ushqimin e flijimit të përgatitur me zjarr, me një erë të këndshme për Zotin. (v. 24)

Fraza “një erë të këndshme” shfaqet rreth 40 herë në përkthimin ESV të Dhjatës së Vjetër. Me një përjashtim kur Perëndia po jep një paralajmërim të fortë ndaj idhujtarisë (Ezekieli 6:13), fjalët “për Zotin” ose një shprehje e ngjashme janë pararendëse ose pasrendëse të saj. Tek Eksodi, Levetiku dhe Ligji i Përtërirë, Perëndia e përdor Moisiun për ta udhëzuar popullin e tij si të jetojë dhe si ta adhurojë Atë, edhe nëpërmjet flijimeve.

Rreth dy muaj pas nisjes së pandemisë COVID-19, zbulova një nevojë të thellë për aromat e këndshme që sillnin një ndjesi normaliteti. Në një stinë me të panjohura, u bë më se e rëndësishme se kurrë më parë të kishe një qiri aromatik ndezur apo të uleshe rreth vatrës së zjarrit që kishim në oborr, të nuhasnim tymin e druve që digjeshin. Rrobat e pastra, ende të ngrohta nga tharësja, kishin një aromë ngushëlluese, së cilës shumë rrallë i kisha kushtuar vëmendje më parë dhe aroma e barit të sapokositur më kujtonte që rritja po vazhdonte dhe që ne duhet të vazhdojmë të përkujdesemi për gjërat e mira që Perëndia i ka lënë nën kujdesin tonë.

Këtë ndjesi të fortë nuhatjeje e kam edhe tani, disa vite më vonë. Më kujton që ne jemi të krijuar në shëmbëlltyrën e Perëndisë, ashtu si thuhet te Zanafilla 1:27. Kjo, si shumë gjëra të tjera për krijimtarinë e Perëndisë, më mrekullon. Perëndia i universit na krijoi në shëmbëlltyrën e Tij, si bij shumë të dashur (Efesianëve 5:1-2). Uau! – Joy Petroelje

Ndërsa luteni, falënderojeni Perëndinë për dhuratën e shqisave!

#Thanksgiving #29nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...

web-woh-28-nen

Mirënjohës për shijen

Loading poll …

Meditime 28 Nëntor (Lexoni nga Psalmi 34: 1-14)

Provojeni dhe shihni sa i mirë është Zoti; lum ai njeri që gjen strehë tek ai. (v. 8)

Disa prej kujtimeve të mia më të thjeshta, por më të çmuara lidhen me shije dhe përvoja specifike. Si aragosta e sapokapur gjatë një udhëtimi në bregun e Atlantikut me tim shoq apo ai misri i parë, i ëmbël i gatuar me gjalpë i sezonit me familjen e mbledhur rreth tavolinës në kuzhinë apo një tas me ëmbëlsirë me mollë që shijohet gjatë mesit të vjeshtës. Sot, Ditën e Falënderimeve, shumë prej nesh do të shijojnë banketin dhe do krijojnë kujtime me të afërmit dhe miqtë.

Te Psalmi 34, specifikisht te vargu 8, ne na ftojnë të provojmë sa i mirë është Zoti. Për mua, fjalët e Davidit ngjallin tablonë e një shefi pasionant, pritshmëritë e të cilit për pjesëmarrjen tonë barazohen vetëm nga dëshira jonë për ta shijuar çdo kafshatë më gjatë deri në pikën ku ulemi në karrige, mbyllim sytë dhe qeshim atje në paqe, gjithçka si rrjedhojë e këtij ofrimi të ëmbël. Mirësia e Perëndisë është si vakti më i mirë që kemi ngrënë dhe na ushqen trupin, mendjen dhe shpirtin.

Është e rëndësishme të kujtojmë që mundësia për ta provuar me të vërtetë mirësinë e Perëndisë është e gatshme për besimtarët vetëm falë gatishmërisë së Krishtit për ta provuar vdekjen në kryq në vendin tonë. Atë e rrahën, e fshikulluan dhe në fund e kryqëzuan (Marku 15:15-24), pasi e refuzoi verën që i ofruan që mund t’ia kishte fashitur dhimbjen (v. 23), para se të dilte fitimtar mbi ferrin që të mos jetë nevoja ta përjetojmë ne. Dashuria më vetëflijuese e Jezusit është vepra më e madhe, e mundur e mirësisë. Përgjigjja jonë më e mirë ndaj kësaj është të bëjmë jetë plotë mirënjohje, hir dhe dashuri, duke i ftuar të tjerët që të “provojnë dhe shohin”. (v. 8). – Joy Petroelje

Ndërsa luteni, mbyllini sytë dhe provojeni mirësinë e Perëndisë!

#Thanksgiving #25nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...

web-woh-27-nen

Mirënjohës për hirin

Loading poll ...

Meditime 27 Nëntor (Lexoni nga Efesianëve 2:1-10)

Ju në fakt, jeni të shpëtuar me anë të hirit, nëpërmjet besimit, dhe kjo nuk vjen nga ju, po është dhurata e Perëndisë. (v. 8 NIV)

Ka raste kur përjetojmë një çast që na lë pa fjalë. Prania e diçkaje madhështore para nesh, si një pikturë apo performancë e bukur apo rezultati i një lajmi tronditës mund të bëjë që të mos nxjerrim dot zë nga goja. Një tjetër rast kur mund të mbetemi pa fjalë, është kur dikush na bekon në një mënyrë që as mund ta kishim imagjinuar; me një dhuratë të papritur financiare apo me atë ndihmë të nevojshme që ata nuk e dinin se e kishim më se të nevojshme.

Unë besoj se veprat e faljes dhe hirit mund të kenë të njëjtin efekt. Ndoshta ka pasur raste kur dikush që ju e keni lënduar shumë, e keni tradhtuar apo e keni gjykuar t’jua ketë dhënë një nga ato dhurata të pamerituara, duke ju lënë pa fjalë apo të mbingarkuar emocionalisht. Nëse ka ndodhur kështu, shpresoj që ajo përvojë ta ketë ndryshuar jetën tuaj në ndonjë mënyrë. Ose ndoshta ka qenë një rast kur Perëndia ju thirri që të falni dikë që ju ka bërë padrejtësi. Duke e dhënë hirin me bindje, ishte në dijeni ai person apo jo, ka shumë gjasa që edhe jeta juaj të ketë ndryshuar.

Nëse besoni te Jezusi, ju keni marrë jetën e re që Jezusi e garantoi me dëshirë për të gjithë ata që besojnë nëpërmjet vdekjes së Tij në kryq dhe ringjalljes prej së vdekurish. Kjo vepër e hirit përfundimtar mua më lë pa fjalë dhe jam e gëzuar të qëndroj atje e mrekulluar dhe mirënjohëse. Sa e vërtetë: “Dhe ne të gjithë morëm, prej mbushullisë së tij, hir mbi hir” (Gjoni 1:16). – Joy Petroelje

Ndërsa luteni, qëndroni në heshtje në hirin e Perëndisë, të përulur dhe mirënjohës!

#Thanksgiving #27nentor #fjalëteshpresës #meditime #app #ios #android

web-woh-26-nentor

Mirënjohës për ndihmën

Loading poll …

Meditime 26 Nëntor (Lexoni nga Eksodi 17:8-16)

Aaroni dhe Huri ia mbanin duart, njëri nga një krah, tjetri nga krahu tjetër; kështu duart e tij mbetën të palëvizura deri në perëndimin e diellit. (v. 12)

Për vite të tëra, e kam pasur shumë të vështirë të kërkoja ndihmë. Pritshmëria e madhe e asaj që mund ose duhej të arrija vetë shpeshherë më pengonte që të mos e lejoja dikë tjetër të më gjendej pranë në kohë nevoje. Dhe kjo solli irritim, stres të kotë, madje, edhe vetmi ndërsa detyrat e rënda qëndronin para meje.

Quajini vite përvoje ose urtësi me kalimin e moshës, por tani e di mirë përfitimin e shkëlqyer të ndarjes së barrave dhe të lejimit të dikujt tjetër të flasë në një situatë ku kam nevojë për ndihmë. Në fakt, ky nivel dobësie ka ndihmuar në forcimin e marrëdhënieve, në rritjen e besimit dhe më ka lejuar të kremtoj dhuntitë e të tjerëve.

Po sikur Moisiu t’i kishte shtyrë tutje Aronin dhe Hurin kur kishte nevojë? Moisiu, i thirrur nga Perëndia për ta nxjerrë popullin e Tij nga Egjipti, mund ta kishte lënë faktin që ishte njeri ta mposhtte dhe ndoshta në fillimin e jetës së vet do ta kishte bërë diçka të tillë. Megjithatë, pas 40 vjetësh që u sorollatën më kot, Moisiu ishte aq i urtë sa ta dinte që kishte nevojë për ndihmë. Ndërsa krahët e Moisiut gjetën mbështetje, Perëndia u lavdërua dhe izraelitët dolën fitimtarë.

A pranoni ju ndihmë? A jeni të gatshëm t’i lejoni të tjerët të përdorin dhuntitë e dhëna nga Perëndia për t’ju bekuar juve? Ka shumë rëndësi ta bëni këtë. Si na e kujton Predikuesi 4:9: “Dy vlejnë më mirë se një i vetëm, sepse kanë një shpërblim të mirë për mundin e tyre”. – Joy Petroelje

Ndërsa luteni, shprehni falënderim për njerëzit që ju ndihmojnë në jetë!

#Thanksgiving #25nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...

web-woh-25-nen

Mirënjohës për strehën

Loading poll …

Meditime 25 Nëntor (Lexoni nga Psalmi 143)

Tek ti unë fshihem. (v. 9)

A keni luajtur ndonjëherë kukafshehti? Nëse po, a jeni fshehur ndonjëherë aq mirë sa nuk po arrinte t’ju gjente askush? Besoj se të gjithë ne kemi dëshirë të na dëgjojnë dhe të na shohin, por kur shqetësimet e jetës bëhen barrë e madhe, ideja e një vendi të shkëlqyer fshehjeje është tepër joshëse. Kur dhimbja është e fortë, fshihuni! Kur malet e jetës ngrihen para nesh, fshihuni! Kur përpjekjet tona maksimale dështojnë, fshihuni! Fshehja mund të tingëllojë bukur, por shpeshherë nuk është praktike.

Në kohën kur Davidi shkruajti Psalmin 143, ai kishte shumë kohë që i arratisej Saulit. Gjetja e strehës ishte kthyer në mënyrë jetesë për të shpëtuar kokën. Për mua, pjesa e dytë e vargut 9 na tregon një tablo të Davidit që përpihet nga përqafimi i Perëndisë, ndoshta nga vetë prania e Tij deri në atë pikë sa nuk e shikon askush që është fshehur atje. E bukura e besimit te Perëndia është që ne mund të fshihemi në Të, në mes të sheshit, kurdoherë që kemi nevojë.

Psalmet janë të mbushur me kujtesa që na tregojnë se Perëndia është mbrojtësi ynë. Psalmi 17:8 frymëzoi predikuesin e shekullit 19 që më pas u bë autor himnesh, Uilliam Kashing, që të kompozonte këngën “Nën krahët e Tij”, refreni i së cilës thotë: “Nën krahët e Tij, nën krahët e Tij, kush mund të shkëputet nga dashuria e Tij? Nën krahët e Tij shpirti im do të banojë, do të banojë në siguri përjetë.” Dhe Psalmi 46 nis kështu: “Perëndia është për ne një strehë dhe forcë, një ndihmë gjithnjë e gatshme në fatkeqësi.” Lavdëruar qoftë Zoti për drejtimin dhe përkujdesjen e Tij! – Joy Petroelje

Ndërsa luteni, falënderojeni Perëndinë që mund të gjeni gjithmonë strehë tek Ai!

#Thanksgiving #25nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...

web-woh-24-nen

Mirënjohës për perëndimet e diellit

Loading poll …

Meditime 24 Nëntor (Lexoni nga Psalmi 2)

Shërbeni me frikë Zotin dhe gëzohuni me drithma. (v. 11)

Familja ime jeton rreth 40 kilometra larg brigjeve ranore të Liqenit Miçigan. Edhe pse shpeshherë nuk e shikojmë perëndimin e diellit mbi ujërat e gjera, pamja e shtëpisë sonë nga perëndimi na jep mundësinë të shikojmë ngjyrat e forta rozë, portokalli dhe të verdha ndërsa dielli zhytet përtej dallgëve.

Është shkëlqyeshëm kur pret një fund të besueshëm, të kënaqshëm, si bukurinë e një perëndimi. Në të kundërt, është shumë e vështirë të durosh pasigurinë për gjërat që do ndodhin më pas. Psalmi 2, shkruar nga Davidi (shikoni Veprat 4:23), është si historia e një pale (Perëndisë) që e di si përfundon historia dhe palës tjetër (kombeve) që po sillen qorrazi pa u shqetësuar fare për rezultatin përfundimtar. Mbretërit e dheut mblidhen në bashkëpunim në rebelim (vv. 2-3), ndërsa Perëndia qëndron në fronin e Tij dhe qesh me marrëzinë e tyre (v. 4) para se t’i trembë në indinjatën e Tij (v. 5) dhe do ta vendosë Jezusin si mbret me autoritetin për të sunduar mbi të gjithë (vv. 6-9).

Sa shpesh jemi edhe ne si ata kombe dhe mbretër të marrë, sillemi sikur kemi gjetur zgjidhjen për çdo gjë, në vend që ta besojmë me përulje Atë që ka çdo zgjidhje?

Nëse nuk jeni të sigurt se si përfundon historia juaj tokësore, të jeni të sigurt që Perëndia do që ju ta kaloni përjetësinë me Të. Nëse jeni penduar për mëkatet tuaja dhe e keni vënë besimin te Jezusi, mund t’i besoni Atij në çdo perëndim dielli të jetës suaj, duke jetuar me sigurinë që Ai mban në dorë të gjitha të nesërmet tuaja. “Lum ata që gjejnë strehë tek ai” (v. 12). – Joy Petroelje

Ndërsa luteni, falënderojeni Perëndinë për dhuratën e Jezusit, Mbretit të vetëm!

#Thanksgiving #24nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...

web-woh-23-nen

Mirënjohës për agimin


Loading poll …

Meditime 23 Nëntor (Lexoni nga Vajtimet 3:19-27)

“Zoti është pjesa ime”, thotë shpirti im, “prandaj do të kem shpresë tek ai.(v. 24)

Më pëlqen bukuria e lindjes së diellit. Ndërsa shpërthimi i parë depërtues i ngjyrave në qiellin e mëngjesit ndez agimin, më kujtohet që Perëndia ka siguruar edhe për një ditë tjetër.

Libri i Vajtimeve me të drejtë e ka marrë emrin nga vajtimi poetik që na ofron Jeremia. Pas vitesh të tëra paralajmërimesh profetike për mbretërit e Izraelit për ndryshimet në karakter dhe besnikëri, Jeremia bëhet dëshmitar i rënies së Jeruzalemit dhe klith në vajtim. Ai nuk ka droje të shprehë trazirat e tij fizike, emocionale dhe shpirtërore.

Më pas, në mes të vajtimit të tij ekstrem, Jeremia ofron një inkurajim të përditshëm. Në vargjet 22-23, ai shpall: “Është hiri i Zotit që nuk jemi shkatërruar plotësisht, sepse mëshirat e tij nuk janë mbaruar plotësisht. Përtëriten çdo mëngjes; e madhe është besnikëria jote.”

Me çdo agim vjen dhe premtimi për më shumë jetë për ne dhe për mundësi të reja për ta njohur Perëndinë më mirë. A ndodheni në një periudhë vajtimi tani, qoftë kjo për shkak të zgjedhjeve që keni bërë, apo për shkak të diçkaje që ju ka ndodhur? A po vajtoni për rrethanat që ju kanë çuar në shkatërrim dhe dëshpërim? Pavarësisht gjendjes tonë, mund të mbahemi fort pas premtimeve të Perëndisë, që janë të vërteta çdo ditë të re, në çdo agim dhe në çdo frymëmarrje tonën. Ne kemi mundësinë, ashtu si Jeremia, për të shpallur dashurinë e qëndrueshme të Perëndisë, që të jemi mirënjohës për hirin e Tij dhe që të zgjedhim të ecim më afër me Të gjatë çdo dite që Ai na jep. E madhe është besnikëria e Tij! – Joy Petroelje

Ndërsa luteni, falënderoni Perëndinë që ju ka dhënë jetë sot dhe për dashurinë e Tij që s’mbaron kurrë.

#falenderim #23nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...

web-med-22-nen

Mirënjohës për shpresën e gjallë

Loading poll …

Meditime 22 Nëntor (Lexoni nga 1 Pjetri 1:3-12)

I cili me anë të mëshirës së tij të madhe na rilindi për një shpresë të gjallë me anë të ringjalljes së Jezu Krishtit prej së vdekurish,… (v. 3)

Në ditën e parë të këtyre meditimeve, ne shqyrtuam një citim nga Maks Lukado, që kishte për qëllim të frymëzonte mendimet tona në një botë të mbushur me dëshira. Fjala hapëse e përkufizonte mirënjohjen si “të qenit më i vetëdijshëm për ato që ke, sesa për ato që s’ke.”

Të gjithë mund të biem pre e dëshirave të kësaj bote, edhe kur këto dëshira janë të lidhura me gjëra materiale, status profesional, madje dhe mirënjohje për shërbesën tonë në kishë, në lagje, apo komunitet. Shpresoj se, ndërsa kalojmë kohë duke shqyrtuar Shkrimin në lidhje me mirënjohjen, ato ndjenja xhelozie, zilie, inati, apo zemërimi që mund të keni patur, të jenë mpakur. E di që barra ime personale është më e lehtë kur kremtoj mirësinë e Perëndisë dhe braktis dëshirat e botës. Ideale është që “bollëku” në jetën tonë, familjet tona, shtëpitë tona, shëndeti ynë, mundësitë që kemi, na tërheqin vëmendjen drejt bekimeve pa fund të Perëndisë, dashurisë së Tij të pandryshueshme, dhe punës që bën Ai çdo ditë në ne, duke na bërë njerëz më mirënjohës.

Nëse jeni penduar për mëkatet tuaja dhe e keni pranuar dhuratën e faljes dhe hirit të Perëndisë, ju keni një shpresë të gjallë dhe një trashëgimi të përjetshme që do të jetë më e shkëlqyeshme, më e çmuar dhe më jetëgjatë se çdo gjë këtu në tokë. Kur ne jetojmë me mirënjohje, ne bekojmë zemrën e Perëndisë, duke i dhënë lavdi Atij që jep të gjitha dhuratat e mira. (Jakobi 1:17). – Joy Petroelje

Ndërsa luteni, kërkojini Perëndisë që t’ju ndihmojë të jetoni me mirënjohje dhe si pasqyrim i dashurisë së Tij për të gjithë ata që ju rrethojnë.

#22nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...

web-woh-21-nen

Mirënjohës për atë që ka qenë

Loading poll …

Meditime 21 Nëntor (Lexoni nga Psalmi 139)

Më heto, o Perëndi, dhe njihe zemrën time; më provo dhe njihi mendimet e mia.(v. 23)

A jeni mirënjohës për atë që ka qenë jeta juaj deri tani? Mbase pa hezitim mund të përlëvdoni Perëndinë për familjen që keni, miqtë me të cilët ju ka bekuar, apo dhuntitë që ju ka dhënë. Apo i keni kaluar javët, muajt, apo edhe vitet e shkuara duke e pyetur Perëndinë se pse jeta është kaq e vështirë dhe plot me dhimbje?

Edhe nëse jeta juaj deri tani ka qenë e mbushur me çastet më të bukura, ose me periudhat më të vështira, Perëndia do që të jeni afër Tij. Ai me besnikëri ju ka sjellë deri në këtë pikë për qëllimin e Tij, një qëllim që është shumë herë më i madh nga sa mund ta përfytyroni dhe ju mund t’i besoni Atij. Edhe nëse jeni duke përjetuar ditë shumë të mira tani, ose kohë tepër të vëshira, ose mbase po jetoni mes këtyre të dyjave, mund t’i kërkoni Perëndisë që të hetojë zemrën tuaj dhe të provojë mendimet tuaja, ashtu siç bëri psalmisti. Perëndia mund ta përdorë të shkuarën tuaj, të mirë apo të keqe, për t’ju bërë më të ngjashëm me Të përmes çdo dite që vjen.

Vargu 16 i leximit të sotëm nga versioni“The Message” thotë: “Si një libër i hapur, Ti më pe të rritesha nga ngjizja në lindje, të gjitha fazat e jetës time ishin shpalosur para Teje, ditët e jetës time ishin përgatitur përpara se të jetoja qoftë dhe një ditë.” Perëndia i ka ditur të gjitha, gjithçka që do të përjetonit, zgjidhnit dhe duronit, përpara se të ndodhnin. Ai nuk ju ka lënë dhe nuk ju ka braktisur kurrë. Nuk do ta bëjë kurrë (Hebrenjve 13:5). – Joy Petroelje

Ndërsa luteni, kërkojini Perëndisë t’ju ndihmojë të jeni mirënjohës për ato që ka siguruar në të shkuarën.

#21nentor #fjalëteshpresës #meditime #app #ios #android

web-dita-36-woha-36

Fuqia e Emrit të Tij

Meditime

Dita 36 | Lexoni nga Veprat e Apostujve: 3:11-26 “Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. ...