web-woh-50-gusht

Besoni në Zotin Jezus

Dita 50 | Lexoni nga: Veprat e Apostujve 16:25-40

“Aty nga mesnata Pali dhe Sila po luteshin dhe i këndonin himne Perëndisë; dhe të burgosurit i dëgjonin.”

Një libër që e çmoj shumë titullohet thjesht “Konvertimet”, dhe na tregon historinë e 50 njerëzve të ndryshëm që janë konvertuar në besimin e Krishterë. Agustini i Hipos është në atë listë, po ashtu edhe Sojourner Truth, C. S. Lewis dhe Dorothy Day. I kam lexuar dhe rilexuar (e lexuar sërish) historitë e tyre dhe lutem që Zoti ta bëjë këtë sërish në kohën tonë.

Pasazhi i sotëm përmban disa histori konvertimesh dhe mbase më e famshmja është historia e konvertimit të rojtarit të burgut në Filipi. Pali dhe Sila po këndonin dhe po luteshin, të mbyllur në një qeli të pistë burgu, kur Perëndia shkaktoi një tërmet dhe liroi çdo të burgosur, përveç vetë rojtarit të burgut. Kur shkoi në burg me nxitim, ai i bëri Palit dhe Silës pyetjen më të rëndësishme që mund të bëjë çdonjëri nga ne. “Zotërinj, ç‘duhet të bëj unë që të shpëtohem?”

Emocionohem herë pas here që ka një përgjigje për këtë pyetje: “Beso në Zotin Jezu Krisht dhe do të shpëtohesh ti dhe shtëpia jote” (v. 31). Është kaq e thjeshtë, por nuk është e lehtë. Kërkon që ne të dorëzojmë kontrollin e jetës tonë dhe, për të cituar C. S. Lewis, “Asgjë që nuk e keni dorëzuar, nuk do të jetë kurrë e juaja. Asgjë në ju që nuk ka vdekur, nuk do të ringjallet kurrë prej së vdekurish… Kërkoni për Krishtin dhe do ta gjeni Atë dhe me Të do t’ju jepet çdo gjë tjetër.” — Tim Brown

Ndërsa luteni, dorëzojani zemrën dhe jetën tuaj Perëndisë dhe kërkojini Atij që t’ju japë guxim për të ndarë besimin me dikë tjetër.

#BesoniNëJezusin#Shpëtimi#Ungjilli#VepratEApostujve#Lutje#FjalëteShpresës#Meditime

web-dita-42-gusht

Dikur i humbur, tani i gjetur

Loading poll …

Dita 42 | Lexoni nga: Veprat e Apostujve 9:1-19

“Vëlla Saul, Zoti Jezus, që të është shfaqur në rrugën nëpër të cilën ti po vije, më ka dërguar që të kesh përsëri dritën e syve dhe të mbushesh me Frymën e Shenjtë”. (v. 17)

“Ç’hir madhështor, (oh, sa gëzim), që një mjeran shpëtoi!” Këto fjalë të tregtarit të skllevërve që u kthye në predikues, John Newton, janë një flamur i përshtatshëm për t’u valëvitur mbi historinë e konvertimit të apotullit Pal. Nga martirizimi i Stefanit mësojmë se Sauli i Tarsit jo vetëm që e aprovoi vrasjen me gurë të Stefanit, por ai edhe u frymëzua nga kjo. Ai u bë një kamzhik për ndjekësit e Jezusit kudo që ishin ata. “Por gjithsesi”, kjo duhet të jetë shprehja më e rëndësishme në gjithë historinë e njerëzimit, Sauli e takoi Jezusin rrugës për në Damask dhe u bë një ndjekës i përkushtuar i Tij. Më vonë, ai do të bëhej avokati më i artikuluar i Jezusit që bota ka parë ndonjëherë.

Shumica e ndjekësve të Jezusit nuk kanë një përvojë konvertimi si ajo rrugës për në Damask, por të gjithë ata që besojnë mbartin shenjat e të qenit të konvertuar. Të paktën tre aspekte të konvertimit të Palit duhet t’i kemi edhe ne. Së pari, një takim të qartë dhe të padyshimtë me Jezusin, ku besimtari rrëfen se Jezusi është Zot (v.5). Pikë. Pikëçuditëse! Së dyti, pagëzimin në një jetë të re si besimtar (v.18) dhe fillimin e trajnimit të dishepullizmit. (v.19). Dhe së treti, dëshira për t’i treguar kujtdo dhe kudo se Jezusi është Mesia, bëhet ambicia jonë më e madhe (v. 20).

Kjo do të ishte koha e përkryer për të bërë një inventar të guximshëm dhe shpirtëror, për të parë nëse këto shenja të konvertimit janë të qarta në jetën tuaj. — Tim Brown

Ndërsa luteni, rrëfejeni Jezusin si Zot dhe kërkojini që t’ju ndihmojë ta ndiqni Atë.

#Dita42 #VepratEApostujve9 #SauliNëDamask #KonvertimiIPalit #DikurIHumburTaniIGjetur #JezusiËshtëZot #FrymaEShenjtë #PagëzimNëJetëTëRe #Dishepullizëm #HirMadhështor #FjalëteShpresës #Meditime

web-dita-41-gusht

Jezusi në Dhjatën e Vjetër

Loading poll …

Dita 41 | Lexoni nga: Veprat e Apostujve 8:26-40

“Atëherë e mori fjalën Filipi dhe, duke filluar nga ky Shkrim, i shpalli Jezusin.” (v. 35)

Udhëtari nga Etiopia është disi një figurë misterioze. Ai ndjente një tërheqje për të adhuruar në tempull në Jerusalem dhe kishte një post me shumë autoritet në vendin e tij. Kur e takojmë atë, ai po lexon profecinë e Isaias, ndërkohë që një engjëll i Zotit (v. 26) dhe Fryma e Zotit (v. 39) punojnë që ta drejtojnë Filipin për t’ju bashkuar atij. Kur u pyet nga Filipi nëse e kuptonte atë që po lexonte, eunuku pa droje e ftoi Filipin që t’i bashkohej dhe t’ia shpjegonte.

Pasazhi nga Shkrimi që po lexonte etiopiani ishte Isaia 53 dhe ky pasazh mbresëlënës na mëson të paktën dy gjëra. Së pari, çdo varg në Dhjatën e Vjetër na drejton te Jezusi. Pali thotë kështu: “Përmes Jezuit merr «po» çdo premtim i Perëndisë…” (2 Korintasve 1:20). Kur lexoni Dhjatën e Vjetër mos u habisni nëse do ta gjeni veten duke parë fytyrën e Jezusit.

Dhe ja se cila është gjëja e dytë që na mëson ky pasazh: ne duhet të jemi gjithmonë gati për t’i dëshmuar për Jezusin çdo njeriu dhe në çdo kohë. Dyshoj vërtet nëse Filipi kur u zgjua atë mëngjes e kishte idenë se çfarë kishte rezervuar Perëndia për të. Pjetri bën një deklaratë të fortë për jetën tonë: ”…jini gjithnjë gati për t’u përgjigjur në mbrojtjen tuaj kujtdo që ju kërkon shpjegime për shpresën që është në ju, por me butësi e me druajtje…” (1 Pjetri 3:15-16). Po ju, a jeni gati? — Tim Brown

Ndërsa luteni, kërkojini Perëndisë që t’ju përgatisë për t’i folur kujtdo që ju sjell në rrugën tuaj.

#Dita41 #VepratEApostujve8 #FilipiDheEunuku #JezusiNëDhjatënEVjetër #Isaia53 #ShkrimetDrejtJezusit #FrymaEDrejton #GatiTëDëshmosh #ShpresaNëKrishtin #FjalëtEshpresës #Meditime

web-dita-40-gusht

Stefani: të themi të vërtetën

Loading poll …

Dita 40 | Lexoni nga: Veprat e Apostujve 7

“O qafëfortë dhe me zemër e veshë të parrethprerë, ju gjithnjë e kundërshtoni Frymën e Shenjtë; ashtu siç bënin etërit tuaj, ashtu bëni edhe ju.” (v. 51)

Një herë kam dëgjuar Eugen Petersonin t’i thotë një grupi pastorësh: “Kur njerëzit vijnë në kishë të dielën në mëngjes, në përgjithësi kanë dy pyetje në mendje: “A do të tregohet ndonjë histori dhe a do të jem unë pjesë e asaj historie?” Pasazhi i sotëm nga Shkrimi është thjesht ajo që u përshkroi Petersoni atyre pastorëve: “Një narrativë e pafund, e shtrirë dhe e gjerë.” Është dëshmia që u dha Stefani drejtuesve fetarë të Izraelit, duke u treguar atyre (edhe neve), endjen e Abrahamit, ngritjen e Moisiut, pushtimin e Jozueut, favorin e Davidit, të gjitha këto si një platformë për të shpallur besnikërinë e Perëndisë nga një brez te tjetri. Si u përgjigjën ata? Ata kërcëllitën dhëmbët me zemërim dhe e vranë me gurë.

Çdo gjë varet nga mënyra se si ne reagojmë ndaj historisë së Perëndisë në jetën tonë. Ai po na jep formë dhe po na modelon për të na bërë një enë që të përmbushë qëllimin e Tij për shpengimin e botës. Kur zgjoheni në mëngjes dhe përgatiteni për ditën, ju në fakt, jeni duke u përgatitur për punën e Ungjillit. Sot ju mund të jeni Bibla e vetme që disa njerëz do të lexojnë. Ju mund të jeni e vetmja pamje e Jezusit që njerëzit do të shohin.

Ndërsa Jozefi vritej pa mëshirë me gurë, ai citoi lutjen që Jezusi bëri që nga kryqi për botën: “O Zot, mos ua ngarko atyre këtë mëkat! (v. 60). Stefani dhe Jezusi janë shembuj për ne sot dhe çdo ditë. —Tim Brown

Ndërsa luteni, kërkojini Perëndisë që t’ju japë një zemër për t’i treguar mirësinë e Tij kujtdo dhe kudo!

#FrymaEShenjtë #JezusiShembull #OZotMosUaNgarko #JetaSiDëshmi #BëhuBiblaQëDikushLexon #ShpallUngjillin #FjalaEZotit #ModeliIKrishtit #LutjePërDashuri #EnëNëDuartEPerëndisë #FjalëteShpresës #Meditime

web-dita-39-gusht

Stefani: Fytyra e një engjëlli

Loading poll …

Dita 39 | Lexoni nga Veprat e Apostujve: 6:8-15

“…fytyra e tij ishte si fytyra e një engjëlli.” (v. 15)

Mes personazheve më të rëndësishëm në Kishën e hershme ishte një kampion i Ungjillit që quhej Stefan. I zgjedhur nga apostujt si një nga shtatë dhjakët e parë, ai ishte “plot besim dhe Frymë të Shenjtë” (v. 5). Mençurisë dhe frymës me të cilën ai fliste s’mund t’i bënte ballë njeri. Të gjithë duhet të ndihemi të sfiduar nga çiltërsia dhe guximi i predikimit të tij për të folur më qartë për gjërat e Jezusit në rrethanat tona.

Po për paraqitjen e tij çfarë duhet të mendojmë? Atë e çuan para sinedrit, që është gjykata e lartë e Izraelit të lashtë, që të gjykohej, por ata u habitën nga ai. Ai kishte fytyrën e një engjëlli. Detyra kryesore e një engjëlli është që të sjellë mesazhin e qiellit në tokë. Dhe pikërisht këtë po bënte Stefani në vendin ku ky mesazh duhej të mirëpritej më shumë. Por edhe mes studiuesve më të ditur të Izraelit, mesazhi i Jezusit u refuzua.

Ky pasazh i shkurtër nga libri i Veprave të Apostujve na sfidon të gjithëve që të dukemi dhe të veprojmë më shumë si engjëjt. Jo si ata kerubinët me faqe bullafiqe, por si lajmëtarë të vendosur, lajmëtarë aq të pushtuar nga fuqia e Ungjillit, sa s’mund të rrinë dot pa e shpallur atë sa më qartë që të jetë e mundur. Prandaj, mbase është me vend që të bëjmë disa pyetje sfiduese. Kur ka qenë hera e fundit që e keni shpallur emrin e Jezusit në publik? Sinqerisht, nëse nuk e bëjmë ne, që e njohim Jezusin dhe kemi shijuar dhuratën e jetës së re me Të, kush do ta bëjë? — Tim Brown

Ndërsa luteni, kërkojini Perëndisë që t’ju japë guximin për të folur hapur për Jezusin.

#Dita39 #Stefani #FytyraENjëEngjëlli #VepratEApostujve #Dhjakët #GuximNëBesim #PredikimiUngjillit #ShpallJezusin #MesazhiQiellor #FrymaEShenjtë #FjalëteShpresës #Meditime

web-woh-38-gusht

Sinqeriteti përpara Perëndisë

Loading poll …

Dita 38 | Lexoni nga Veprat e Apostujve 5:1-16

“Dhe shumë shenja dhe mrekulli bëheshin në mes të popullit nëpërmjet duarve të apostujve.” (v. 12)

Pasazhi i sotëm nga Bibla na tregon qartë më të mirën dhe më të keqen e Kishës së hershme. Ndjekësit e Jezusit përjetuan së bashku zjarrin e Frymës së Shenjtë të çliruar nga qielli, që mahniti një numër të madh njerëzish, të cilët u konvertuan njëherësh dhe krijuan një bashkësi të bukur dhe bujare që nuk linte njeri në nevojë. Çfarë kohe e mrekullueshme për të qenë aty! Por kishte dhe një anë tjetër që nuk duhet shpërfillur. Veprat e Apostujve 5 na e tregon këtë me detaje të zymta. Anania dhe Safira përfituan nga shitja e një prone dhe nuk i treguan askujt për këtë. Por Perëndia e dinte, sepse Ai mund të shohë në errësirë, edhe në errësirën e zymtë të zemrës njerëzore.

Kjo skenë e trishtë është si një lloj komentari i gjallë mbi një parim që më vonë apostulli Pal na i bën shumë të qartë. “Në fakt të mirën që unë e dua nuk e bëj; por të keqen që s’dua, atë bëj.” (Romakëve 7:19). Sinqeriteti kërkon që ne ta pranojmë se nuk jemi më të mirë. Prandaj, çfarë duhet të bëjmë?

Për shekuj me rradhë besimtarët e Jezusit kanë patur guximin që të jenë aq të sinqertë përpara Perëndisë dhe njëri-tjetrit sa të rrëfejnë mëkatet e tyre. Gjoni, apostulli që Jezusi e deshi, na tregon rrugën: “Po të themi se jemi pa mëkat, gënjejmë vetveten dhe e vërteta nuk është në ne. Po t’i rrëfejmë mëkatet tona, ai është besnik dhe i drejtë që të na falë mëkatet…” (1 Gjoni 1:8-9) —Tim Brown

Ndërsa luteni, kërkojini Perëndisë që t’ju japë guximin të tregoheni të sinqertë dhe pastaj të rrëfeni çdo mëkat që e keni mbajtur ende.

#fjalëteshpresës#meditime#kishashqiptare

web-dita-36-woha-36

Fuqia e Emrit të Tij

Loading poll …

Dita 36 | Lexoni nga Veprat e Apostujve: 3:11-26

“Dhe me anë të besimit në emrin e tij, këtë njeriun, që shihni dhe njihni, e forcoi emri i Jezusit;” (v. 16)

Para shumë vitesh, gjatë kohës kur isha në “Western Seminary”, isha i bekuar ta kisha zyrën ngjitur me Dr. Stan Rock. Një mëngjes, ai kaloi nga zyra ime dhe më pyeti se si po ia kaloja. Në mënyrë jo shumë të sinqertë i thashë: “Jam mirë.” Kjo nuk ishte e vërtetë. Një kancer i pamëshirshëm po i merrte jetën babait tim në një mënyrë të dhimbshme, ditë pas dite. Steni më tha: “Më shiko.” Kur e pashë, më tha: “Epo, nuk dukesh dhe aq mirë. Çfarë problemi ke?” Fillova të qaja dhe i shpreha çdo gjë që kisha në zemër. Dhe diku nga mesi i rrëfimit tim, zemra ime filloi të hapej ndaj pranisë shëruese të Perëndisë.

Kemi një varg te Fjalët e Urta që gurgullon nga shpresa dhe është një kumtesë e përshtatshme për pasazhin tonë të sotëm. “Emri i Zotit është një kala e fortë, tek ai turret i drejti dhe gjen siguri.” (Fjalët e Urta 18:10). A nuk ndodh saktësisht kjo te “bukuria e portikut të Solomonit” dhe ajo që thekson Pjetri në pasazhin e sotëm? Në emrin e Jezusit, Pjetri e urdhëron këtë njeri të çalë që nga lindja, që në fillim ta shihte dhe pastaj të merrte vigun e tij dhe të ecte. Nuk ishte fuqia e Pjetrit që e bëri këtë (v. 12), por shërimi u bë i mundur për shkak se Pjetri qëndroi dhe e pa, e pastaj iu drejtua emrit të Jezusit.

Unë dhe ju kemi sytë e Atit tonë. Shikoni njerëzit që Perëndia ju dërgon sot dhe ftoni Jezusin të punojë në jetën e tyre. — Tim Brown

Ndërsa luteni, kërkojini Perëndisë që t’ju hapë sytë ndaj njerëzve që keni përreth.

#FuqiaEEmritTeJezusit #BesimiQeShëron #ShpresëNëKrishtin #ZotiShëron #EmriIQëndrueshëm #KalaEFortë #PerëndiaQëNaSheh #LutjeDheShërim #FjalëteShpresës #Meditime

web-woh-35-korrik

Një gjë e bukur!

Loading poll …

Dita 35 | Lexoni nga: Veprat e Apostujve 3:1-10

“Në emër të Jezu Krishtit nazarenas, çohu dhe ec!”. (v. 6)

Ka 12 porta hyrëse në Tempullin e lashtë në Jerusalem. Një nga këto dyer quhej “E bukura,” pjesërisht për shkak të zbukurimeve elegante dhe pjesërisht për shkak të shërimeve të jashtëzakonshme që ndodhën aty. Aty ndodhi që Pjetri dhe Gjoni u ndaluan nga një njeri i çalë që prej lindjes. Kur ai pa Pjetrin dhe Gjonin, ai e shfrytëzoi mundësinë dhe thirri për ndihmë. Ai mori shumë herë më tepër nga sa mund të kishte shpresuar, shërim të plotë në emrin e Jezusit.

Kurrë nuk kam qenë i bekuar të marr pjesë në një shërim të kësaj natyre, por kam qenë i bekuar më shumë se një herë që të shoh rezultatet e shërimit në jetën e njerëzve që i kam dashur dhe u kam shërbyer si pastor. Kam qenë dëshmitar okular kur pesha e fajit dhe e turpit është hequr nga një zemër e lënduar dhe kur fuqia është ripërtërirë në shpirtin e rënduar që vazhdonte të ecte përpara pavarësisht lodhjes. Kam parë t’i jepet mendjekthjelltësi një njeriu që pa shpresë ishte i pështjelluar nga rrethanat ku ndodhej. Edhe këto shërime janë. Jezus Krishti shëroi në atë kohë dhe Jezus Krishti shëron edhe tani.

Shërimit të mrekullueshëm në pasazhin e sotëm nga Bibla i parapriu Pjetri që po shihte ngultasi njeriun e çalë. Dhe ky për ne duhet të shërbejë si një hap për të vepruar. Filloni të shihni më me vëmendje njerëzit dhe mund të habiteni nga sa shumë dhimbje do të dalloni tek ata dhe rrjedhimisht, sa shumë ndihmë mund të ofroni në emër të Jezusit. — Tim Brown

Teksa luteni, falënderoni Perëndinë për fuqinë e Tij shëruese. Kërkojini që t’ju bëjë pjesë të shërbesës së Tij të shërimit.

#ShpresëPërÇdoZemër #VepratEApostujve #BesimiQëNgreNëKëmbë #MrekulliNëEmrinEJezusit #ShërbesëShërimi #FuqiaEFrymës #TimBrown #FjalëteShpresës #Meditime

web-woh-34-korrik

Kur qielli u hap

Loading poll …

Dita 34 | Lexoni nga: Veprat e Apostujve 2:1-13

“Dhe befas nga qielli erdhi një ushtimë, si ajo e një ere që fryn furishëm,…” (v. 2)

Ju ftoj që të vini me mua në Jerusalem për kremtimin e ditës së Rëshajave, festivali i lashtë jude që kremton dhënien e Ligjit dhe mbledhjen e të korrave të drithit. Nuk ka gjë më festive dhe nëpër rrugët e Jeruzalemit dhe tempull nuk do të gjeni kurrë më aq shumë njerëz. Flavio Josefi, një historian i njohur jude, thotë se gjatë kësaj ngjarje të përvitshme në qytetin e shenjtë kishte më shumë se një milion njerëz. Veprat e Apostujve 2 na tregon se aty kishte njerëz nga çdo komb nën qiell. Kjo nuk ishte si një festë me fqinjët, por ishte si sheshi “Times Square’ në qytetin e Nju Jorkut gjatë vigjiljes së Vitit të Ri.

Pikërisht në këtë çast, në shtëpinë ku ishin mbledhur dishepujt dhe po prisnin, një erë filloi të fryjë fuqishëm dhe gjuhë si prej zjarri u shfaqën dhe zunë vend mbi secilin prej tyre pa dallim. Të gjithë filluan të flisnin në gjuhë të tjera, që njerëzit përreth të dëgjonin Lajmin e mirë të Jezusit në gjuhën e vet. Kjo është ADN-ja e Kishës, është ADN-ja e çdo të krishteri. Ne nuk jemi një klub social me qëllimin për t’u kënaqur me njëri-tjetrin, por jemi një trup mbarëbotëror, qëllimi i vetëm i të cilit është që të dëshmojë për veprat, vdekjen dhe ringjalljen e Jezus Krishtit, derisa të gjithë të dëgjojnë që Jezusi është Zot.

Duke cituar Emil Brunner-in, Lesslie Newbigin, teologu dhe misionari i madh, ka thënë: “Kisha ekziston duke patur një mision, ashtu si zjarri ekziston për shkak të djegies.” Ai e mori këtë ide pikërisht nga ky pasazh dhe ne jemi thirrur të bëjmë të njëjtën gjë. — Tim Brown

Teksa luteni, kërkojini Perëndisë që të dërgojë Frymën e Shenjtë në ne!

#ZemraEPredikimit #TrupiIKrishtit #LajmiIMirë #MisioniKristian #FestaEPentekostit #Jeruzalemi #KishaNëVeprim #TimBrown #FjalëteShpresës #Meditime

web-woh-33-korrik

Dëshmitarë

Loading poll …

Dita 33 | Lexoni nga Veprat e Apostujve: 1:6-11

“Ju do të merrni fuqi kur Fryma e Shenjtë do të vijë mbi ju dhe do të bëheni dëshmitarët e mi në Jeruzalem dhe në gjithë Judenë, në Samari dhe deri në skajin e dheut”. (v. 8)

Kur të krishterët mblidhen bashkë për të adhuruar Perëndinë e gjallë, ata pretendojnë gjëra të mahnitshme për Jezusin. Një nga këto pretendime është se pas vdekjes dhe ringjalljes së Tij, Jezus Krishti u ngjit në qiell dhe sipas një tjetër autori të Biblës, “Ai gjithmonë rron që të ndërmjetësojë për ta” (Heb. 7:25). Sa e mrekullueshme është kjo? Jezus Krishti po lutet tani për ju dhe për të gjithë ata që ju i doni!

Në pasazhin e sotëm, autori Luka po na sfidon me një tjetër aspekt të ngjitjes së Jezusit; ne duhet të bëhemi dëshmitarët e Tij në të gjithë botën. Jezus Krishti po kthehet sërish dhe, edhe pse nuk e dimë ditën ose orën e rikthimit të Tij, ne dimë se Ai na ka dhënë një përgjegjësi të madhe ndërkohë. “Ju do të merrni fuqi kur Fryma e Shenjtë do të vijë mbi ju,” shpjegon Jezusi, “dhe do të bëheni dëshmitarët e mi në Jeruzalem dhe në gjithë Judenë, në Samari dhe deri në skajin e dheut” (v. 8).

Nëse e njihni Jezusin, ju jeni dëshmitarë të Tij. Kjo do të thotë se ju keni një përgjegjësi me pasoja të përjetshme që të gjithëve atyre që takoni sot t’i dëshmoni për jetën me Jezusin. Në bashkësinë ku unë adhuroj, pastorët tanë rregullisht i paraprijnë bekimit përmbyllës me këto fjalë sfiduese: “Ju do të hyni në çdo aspekt të jetës publike për ta shpallur atë vend për Krishtin.” Nëse nuk e bëjmë ne, kush do ta bëjë? —Tim Brown

Teksa luteni, kërkojini Perëndisë kurajë që të jeni dëshmitari i Tij sot.

#JetaMeJezusin #BesimAktiv #PerjetesiaFillonTani #LutjeDheVeprim #DëshmiEgjallë #FjalaNeVeprim #BekimDheMision #KishaNeVeprim #TimBrown #FjalëteShpresës #Meditime