web-woh-29-janar

Shenja të Dashamirësisë

Dita 29 | Lexoni nga Eksodi 4:3-9

Me qëllim që të besojnë… (v.5)

Të gjithë jemi si Moisiu në disa mënyra. Kur detyra e Perëndisë është përtej aftësisë sonë, dhe pyetjet dhe dyshimet zënë mendimet tona, ne i kërkojmë Perëndisë të “na tregojë një shenjë të dashamirësisë së tij” (Ps. 86:17). Nëse jemi të sinqertë, kush prej nesh nuk do të donte shenja të mëdha, drithëruese që Perëndia i dha Moisiut. Tre shenja të dashamirësisë së padiskutueshme: bastuni i tij bëhet gjarpër, dora e tij bëhet lebroze, dhe uji shndërrohet në gjak. Të gjitha me qëllim që “ata të besojnë” (v.5).
Në javët e mia të para si president i ri tek Fjalët e Shpresës, doja një shenjë të madhe. Largimi nga 24 vjet shërbesë baritore për të udhëhequr një organizatë misionare ishte ndryshim i madh, personal dhe profesional. Isha plot me pasiguri, ankth dhe frikë. Doja një shenjë të madhe. Në vend të kësaj, mora një tekst mesazhi. Ime shoqe, Ana, thjesht shkroi: “Qoftë kjo ditë e jotja plot me surpriza.” Menjëherë pas kësaj, prindërit e një miku më telefonuan për të ndarë sa të gëzuar ishin që unë po merrja këtë hap besimi dhe se Perëndia kishte vendosur në zemrat e tyre të mbështesnin Fjalët e Shpresës. Bastun në gjarpër? Dorë lebroze? Ujë në gjak? Asgjë aq drithëruese. Por një shenjë e vogël dashamirësie të Perëndisë? Padyshim që po.
Ne nuk mund t’i injorojmë shenjat e vogla. Uji i pagëzimit është një shenjë e vogël, e thjeshtë. Po ashtu buka dhe vera e Darkës së Zotit. Shenja të mëdha apo të vogla, ato na i drejtojnë sytë tanë te ai që është me ne, edhe ndërsa na thërret të ndihmojmë me detyra të mëdha. — Jon Opgenorth

Ndërsa luteni, falënderojeni Perëndinë për shenjat e dashamirësisë së tij.

web-woh-28-janar

Pritshmëritë e Perëndisë

Dita 28 | Lexoni nga Eksodi 4:1-2

Ç’është ajo që ke në dorë? (v.2)

Moisiu i bën pyetje Perëndisë: “Kush jam unë?” dhe “Kush je ti?” Perëndia përgjigjet me një vizion të madh (çliro popullin tim) dhe me një premtim të madh (ata do të të paguajnë të largohesh). Tani, është radha e Perëndisë të bëjë një pyetje: “Ç’është ajo që ke në dorë?” (v.2). Një bari mban një shkop, sigurisht!
Por mendoni se çfarë na tregon pyetja e Perëndisë për Perëndinë dhe për veten tonë. Perëndia i kërkon popullit të tij të ketë besim te ai për të bërë gjëra të mëdha. Nuk është detyrë e lehtë të “shkosh… dhe bësh dishepuj nga të gjitha kombet” (Mt. 28:19). Por duke pyetur: “Ç’është ajo që ke në dorë?” Perëndia fillon me atë që ne tashmë kemi. Moisiu duhet të fillojë me shkopin e tij. Ai shpejt do të përdoret në mënyra përtej kullotjes së deleve, por Perëndia fillon me atë që Moisiu tashmë e di.

Në ditët e mia të vështira të hershme si pastor i ri, Dr. Charles Van Engen foli për këtë tekst në emërimin tim: “Xhon, Perëndia nuk pret më shumë nga ti se ajo që ke në dorë. Por ai pret që ti të përdorësh atë që ke në dorë.” Unë lutem për veten dhe për ty të ndjesh shtytjen e Perëndisë në një mënyrë të madhe dhe për gjëra të mëdha – gjëra që ti dhe unë mendojmë se janë shumë të mëdha. Dhe shpresoj të dëgjosh Perëndinë duke të të pyetur: “Ç’është ajo që ke në dorë?” Harroje atë çfarë nuk ke. Fillo me atë që tashmë e ke. Perëndia do të sigurojë atë që nevojitet më pas. — Jon Opgenorth

Ndërsa luteni, kërkojini Perëndisë t’ju tregojë çfarë ka vendosur tashmë në dorën tuaj.

web-woh-27-janar

Çfarë Duhet të Bëj?

by Meditime

Dita 27 | Lexoni nga Eksodi 3:16-22Shko… (v.16)Krishterimi në thelb është një fe e “dërgimit”. Abrahami dhe familja e tij nisen, duke lënë familjen dhe shtëpin ...

web-woh-89-dhjetor

Lutuni pa pushim

by Meditime

Dita 89 — Lexoni nga: 1 Thesalonikasve 5:16-18“Jini gjithmonë të gëzuar. Lutuni pa pushim. Për çdo gjë falënderoni sepse i tillë është vullneti i Perëndisë në ...

web-woh-88-dhjetor

Lutja dhe identiteti

by Meditime

Dita 88 — Lexoni nga: Psalmi 131“O Zot, zemra ime nuk është mendjemadhe dhe sytë e mi nuk janë krenarë, dhe unë nuk merrem me gjëra tepër të mëdha dhe tepër të ...

web-woh-87-dhjetor

E fuqishme dhe efektive

by Meditime

Dita 87 — Lexoni nga: Jakobi 5:13-18“…shumë fuqi ka lutja e të drejtit kur bëhet me gjithë shpirt.” (v. 16)Njerëzit sot tërhiqen nga çdo gjë që është efikase d ...

web-woh-27-janar

Çfarë Duhet të Bëj?

Dita 27 | Lexoni nga Eksodi 3:16-22

Shko… (v.16)

Krishterimi në thelb është një fe e “dërgimit”. Abrahami dhe familja e tij nisen, duke lënë familjen dhe shtëpinë e tij, për të shkuar në Kanaan. Profetët shkojnë të profetizojnë te populli. Dishepujt shkojnë te kombet, duke shpallur shpëtimin në Jezusin. Në pasazhin e sotëm fjala e Perëndisë për Moisiun është “shko.”

Plani i Perëndisë dukej i pamundur: “Shko dhe mblidh pleqtë. Pastaj ju të gjithë shkoni te Faraoni dhe i thoni t’ju lejojë të shkoni.” Faraoni e konsideronte veten perëndi dhe e shihte Perëndinë si perëndi rival. Por Perëndia tha: “Shko.” Dhe mbreti duhej të dëgjonte një bari nga Madiani? Egjiptasit i shihnin barinjtë me neveri (Zan. 46:34). Por Perëndia tha: “Shko.” Dhe Perëndia e ndoqi planin me një premtim shumë të mirë për të qenë i vërtetë: “Ju nuk do të shkoni duarbosh… [por] do t’i plaçkitni egjiptasit” (Eks. 3:21-22). Kjo ritheksoi premtimin e Perëndisë për Abrahamin katër shekuj më herët: “Pasardhësit e tu… do të dalin me pasuri të mëdha” (Zan. 15:13-14). Dhe Perëndia kreu mrekulli që inkurajuan egjiptasit të paguanin skllevërit izraelitë të largoheshin.

Moisiu ende ngurroi kur dëgjoi Perëndinë të thoshte: “Shko.” Dhe ndoshta edhe ti. Ja se çfarë më ndihmon të ndjek urdhrin e Perëndisë për të shkuar: ne shkojmë sepse ndjekim Jezusin. “Fjala u bë mish dhe banoi ndër ne” (Gjoni 1:14). Jezusi “nuk e konsideroi barazinë me Perëndinë diçka për t’u kapur, por e zbrazi veten, duke marrë trajtën e shërbëtorit” (Fil. 2:6-7). Perëndia, që është Jezusi, u bë skllav për të çliruar skllevërit. Le të shkojmë! — Jon Opgenorth

Ndërsa luteni, kërkojini Perëndisë t’ju ndihmojë të shkoni në rrugën e Krishtit.

web-woh-27-janar

Çfarë Duhet të Bëj?

by Meditime

Dita 27 | Lexoni nga Eksodi 3:16-22Shko… (v.16)Krishterimi në thelb është një fe e “dërgimit”. Abrahami dhe familja e tij nisen, duke lënë familjen dhe shtëpin ...

web-woh-89-dhjetor

Lutuni pa pushim

by Meditime

Dita 89 — Lexoni nga: 1 Thesalonikasve 5:16-18“Jini gjithmonë të gëzuar. Lutuni pa pushim. Për çdo gjë falënderoni sepse i tillë është vullneti i Perëndisë në ...

web-woh-88-dhjetor

Lutja dhe identiteti

by Meditime

Dita 88 — Lexoni nga: Psalmi 131“O Zot, zemra ime nuk është mendjemadhe dhe sytë e mi nuk janë krenarë, dhe unë nuk merrem me gjëra tepër të mëdha dhe tepër të ...

web-woh-266-janar

Kush Është Perëndia?

Dita 26 | Lexoni nga Eksodi 3:13-15

Cili është emri i tij? (v.13)

Në 24 vjet si drejtues kishash, punësova shumë staf. Punësimet më të mira kaluan një proces transparent. Nëse dikush më vinte dhe më thoshte “Perëndia më dërgoi të jem pastori juaj i të rinjve,” do të më ndizej alarmi i skepticizmit. Po ashtu, Moisiu mund të parashikonte shikimin e pabesueshëm tek izraelitët kur të pretendonte se ishte dërguar nga Perëndia për të çliruar Izraelin. “Kush të dërgoi? Cili është emri i tij?”
Nuk jam i sigurt se Moisiu e ndjeu plotësisht peshën e përgjigjes së Perëndisë: “UNË JAM AI QË JAM” (v.14). Në hebraisht, “UNË JAM” lidhet me foljen jam, nga e cila vjen emri personal i Perëndisë, Yahweh (Jehova). UNË JAM-i krijon dhe mban të gjitha gjërat dhe është i pranishëm përjetësisht në marrëdhënie me popullin e tij. UNË JAM-i bën dhe i mban premtimet e besëlidhjes. UNË JAM-i është i pandryshueshëm në karakter – i njëjti “dje, sot dhe përjetë” (Heb. 13:8). I Përjetshmi dërgon Moisiun të nxjerrë popullin e tij nga Egjiptit.

Si na ndihmon emri i Perëndisë të jetojmë në misionin e Perëndisë në jetët tona? Perëndia sheh, ndjen dhe vepron me një perspektivë të përjetshme. Ngaqë ai ekziston para krijimit dhe përtej konceptit të kohës, ne mund të besojmë se ai do të sigurojë aty ku drejton. Katekizmi i Heidelberg-ut trajton kuptimin e pranisë së përjetshme të Perëndisë në këto fjalë: “Ne mund të jemi të durueshëm kur gjërat shkojnë kundër nesh, falënderues kur gjërat shkojnë mirë, dhe për të ardhmen mund të kemi mirëbesim te Perëndia dhe Ati ynë besnik se asgjë në krijim nuk do të na ndajë nga dashuria e tij” (Pyetje&Përgjigje 28). — Jon Opgenorth

Ndërsa luteni, kërkojini Perëndisë t’ju ndihmojë të besoni në atë që është, dhe të ecni me besim. #fjalëteshpresës #meditime