Atë i përjetshëm

Meditime 6 Dhjetor (Lexoni nga Gjoni 10:22-30)

Do të quhet… Atë i përjetshëm. (Isaia 9:6)

Një nga gjërat më shpërblyese – ose ndoshta më trazuese – e të qenit prind, është të shohësh mënyrat si të ngjajnë fëmijët. Po kështu, një nga gjërat më befasuese e të qenit një fëmijë i rritur është të dallosh mënyrat se si po bëhesh si prindërit e tu. Qoftë kur ndodh natyrshëm apo është e ushqyer, marrëdhënia prindërore përfshin trashëgimin e një numri befasues tiparesh.

Edhe Jezusi është si Ati i Tij. Jezusi bën atë që bën Ati i Tij. Te Gjoni 5:19, Jezusi na thotë që Ai “përveç asaj që sheh se bën Ati, gjërat në fakt që bën Ati, i bën po ashtu edhe Biri”. Jo vetëm që Jezusi vepron si Ati i Tij, por në misterin e Trinisë së Shenjtë, Jezusi është Ati i Tij. Më vonë, kur njerëzit filluan të irritoheshin në pështjellimin e tyre për identitetin e Tij, Jezusi ua tha qartë: “Unë dhe Ati jemi një” (Gjoni 10:30). Në këtë mënyrë, Jezusi përmbush profecinë e Isaias që “biri” do të quhet “Atë i përjetshëm” (Isaia 9:6). Për shkak të marrëdhënies unike mes Birit dhe Atit, mund të kemi besimin që nëse duam ta dimë si është Perëndia, duhet të shohim Jezusin: “Ai është shëmbëllesa e Perëndisë së padukshëm” (Kolosianëve 1:15).

Doni ta dini cili është Perëndia – si është Ai, çfarë bën, kë do? Duhet vetëm të shikoni Jezusin. Sa më mirë ta njohim Jezusin, aq më mirë do ta njohim zemrën e Atit të përjetshëm. – Sarah Sanderson

Ndërsa luteni, kërkojini Perëndisë t’ju tregojë kush është!

#Krishtlindje #Christmas #fjalëteshpresës #meditime #app #ios #android