web-dita-42-woha-42

Një vakt në Emaus

Loading poll …

Dita 42 | Lexoni nga Luka 24:13-27

“Ai u shpjegoi atyre në të gjitha Shkrimet gjërat që i takonin atij.” (v. 27)

Pas ringjalljes së Tij, Jezusi u takua me dishepujt, miqtë dhe familjen e tij në shumë raste. Në disa nga këto mbledhje kishte dhe ushqim. Në një rast, Jezusi hëngri peshk për të provuar se ishte vërtet Ai në trupin e Tij dhe jo një shpirt (v. 41-42). Shpëtimtari i ringjallur ishte vërtet i njëjti Jezus, miku dhe mësuesi i tyre. Por ata jo gjithmonë e njohën Atë menjëherë.

Le të mendojmë për dy udhëtarët rrugës për në Emaus. Ata ishin përqendruar thellë në bisedë ndërsa po udhëtonin, ishin të trishtuar dhe po përpiqeshin të kuptonin kohën që kaluan në Jerusalem. Ata kishin besuar se Jezusi i Nazaretit ishte “Ai që do ta çlironte Izraelin” (v. 21), por vdekja e Tij në duart e drejtuesve dukej se e vinte në dyshim këtë. Gjithashtu, po atë ditë ata kishin dëgjuar fjalë për engjëj, fjalë që Jezusi mund të ishte gjallë! Ata ishin të pështjelluar, të pikëlluar dhe të frikësuar. Edhe ndërsa i shprehnin Atij ato që kishin në zemër, ata nuk e kuptuan se Jezusi ishte aty me ta! Përgjigjja për gjithë pyetjet e tyre ishte aty. Përmbushja e lutjeve të tyre ishte pikërisht aty! Por thjesht ata nuk e dinin ende këtë. Kështu jemi dhe ne. Mund të përqendrohemi në problemet tona dhe të mos arrijmë të shohim jeuzsin në mes të pikëllimit, dhimbjes dhe pështjellimit tonë.

Jezusi përdori Shkrimin për të zbuluar atë që Bibla kishte thënë për vuajtjet dhe lavdinë e Krishtit. Shpejt Ai do t’ia zbulonte Veten miqtë të Tij në një mënyrë tjetër! — Laura N. Sweet

Ndërsa luteni, kujtoni që Jezusi ka qenë gjithmonë me ju në të gjitha situatat.

#RrugaEMausit #JezusiMeNe #ZbulesaNgaShkrimet #AiIshteAty #Luka2427 #ShpresëNëRrugëtim #ShkrimetFlasinPërTë #ZotiNaAfrohet #FjalëteShpresës

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-41-woha-41

Darka e Zotit

Loading poll …

Dita 41 | Lexoni nga: Luka 22:14-23

“…bëni këtë në përkujtimin tim.” (v. 19)

Ka disa pasazhe që janë kaq të njohura sa duket sikur nuk i lexojmë më me kujdes, apo nuk i dëgjojmë me një vesh të freskët. Ky pasazh, kur Jezusi themeloi Darkën e Zotit, mund të jetë njëri prej tyre. Por gjithsesi, ka kaq shumë vargje që zbulojnë zemrën e Shpëtimtarit ndaj ndjekësve të Tij!

Ai u ul me ta për darkë, ashtu siç kishte bërë shumë herë të tjera më parë. Por kjo darkë ishte ndryshe, jo vetëm sepse ishte darka e Pashkës, por sepse Atij i kishin mbetur vetëm pak orë para se të përmbushte rolin e Tij si Qengji i Pashkës, “”Ja, Qengji i Perëndisë, që heq mëkatin e botës!” (Gjo. 1:29) Jezusi u tha dishepujve të Tij: “Kam pasur dëshirë të madhe ta ha këtë Pashkë bashkë me ju, para se të vuaj…” (Lk. 22:15). Kjo tregon dashurinë e Jezusit për miqtë e Tij. Ai dëshironte shumë që të ishte me ta atë natë. Ai mezi e preiste ditën kur ata të hanin së bashku në Mbretërinë e Perëndisë. Ai donte që ata ta kujtonin sakrificën e Tij në emër të tyre, gjakun dhe trupin e Tij, të dhënë për ta. Kjo është diçka personale dhe plot shpresë. Ky ishte përkujtimi i Tij.

Jezusi nuk na kërkoi që në përkujtim të Tij të ndërtonim një tempull, një statujë, apo kryqin më të madh në botë, sado kuptimplota qofshin këto. Ai zgjodhi që të përkujtohet me anë të një darke të thjeshtë, që mund të kremtohej kudo dhe kurdoherë, nga kushdo që e ndjek Atë. Ai shtron darkën, ne marrim bukën dhe kupën, atë që ato simbolizojnë dhe e kujtojmë Atë. Këtë e bëjmë derisa Ai të rikthehet. — Laura N. Sweet

Ndërsa luteni, kujtoni Shpëtimtarin tuaj dhe sakrificën e Tij për ju.

#DarkaeZotit #NëPërkujtiminTim #Luka2219 #QengjiIPashkës #JezusiSakrifikoi #GjakuDheTrupi #DarkaQëNaRikujton #FjalëteShpresës

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-40-woha-40

Larja e këmbëve të dishepujve

Loading poll …

Dita 40 | Lexoni nga Gjoni 13:1-15

“Unë, në fakt, ju kam dhënë shembullin që ashtu siç kam bërë unë, bëni edhe ju.“ (v. 15)

Dishepujt kishin ndarë shumë vakte dhe shumë biseda së bashku gjatë shërbesës së Jezusit në tokë, por këtyre po u vinte fundi. Ai kishte dhe shumë gjëra për t’u thënë dhe ata shumë gjëra për të mësuar, por një nga mësimet më të rëndësishme kishte nevojë vetëm për pak fjalë dhe në vend të kësaj, Jezusi u dha atyre një shembull të paharrueshëm përulësie dhe shërbimi që duhet ta imitonin.

Jezusi mund të kishte pritur deri në fund të darkës. Ai mund të kishte pritur derisa Judë Iskarioti të ishte larguar prej tyre. Por në vend të kësaj, Ai u ngrit gjatë darkës dhe mori rolin e një shërbëtori, duke i larë këmbët çdo dishepulli (përfshirë dhe tradhtarit, Judës). Ai u tha atyre se kjo vepër përulësie ishte një shembull që ata duhet ta ndiqnin. Kur Jezusi u rikthye tek Ati i Tij, Ai nuk donte që ata të mos përpiqeshin për pushtet dhe as të mashtronin për pozitë, por dishepujt duhet ta konsideronin veten si shërbëtorë që do të punonin me përulësi për nevojat e të tjerëve. Ashtu siç shkruan Pali më vonë te Romakët: “Duajeni njëri-tjetrin me dashuri vëllazërore; në nderim tregoni kujdes njëri me tjetrin.” (12:10).

Shumë gjëra u thanë gjatë darkës së Pashkës, përfshirë edhe disa gjëra që do t’i shohim nesër, por ajo që dishepujt panë, ndjenë dhe përjetuan, teksa Jezusi personalisht u lante këmbët, do të ishte një kujtim i paharrueshëm për secilin. Ai ishte Zoti dhe mësuesi i tyre. Nëse Ai u kishte larë këmbët atyre, edhe ata duhej t’i shërbenin njëri-tjetrit me përulësi dhe dashuri. — Laura N. Sweet

Ndërsa luteni, kërkoni që t’ju jepen mundësi që t’i doni dhe t’u shërbeni të tjerëve.

#LarjaEKëmbëve #ShembullPërulësie #ShërbeSiJezusi #DashuriNëVeprim #Gjoni1315 #ZotiQëShërben #FjalëteShpresës

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-39-woha-39

Darkë me miqtë

Loading poll …

Dita 39 | Lexoni nga Gjoni 12:1-11

“Jezusi, pra, tha: ”Lëre! Ajo e ka ruajtur për ditën e varrimit tim.” (v. 7)

Darka me miqtë zakonisht është një kohë e këndshme miqësie dhe kujtimesh të veçanta, por mund të jetë veçanërisht emocionuese kur e di që do të largohesh së shpejti. Kohës së Jezusit me dishepujt në tokë po i vinte fundi dhe ata, në përgjithësi ishin të pavetëdijshëm për vdekjen e Tij të pashmangshme. Por dikush kishte dëgjuar më vëmendje dhe e kuptoi këtë. Për të, kjo darkë ishte një mundësi për ta dashur dhe ta nderuar Atë, përpara se Jezusi të vdiste në kryqpër të.

Pasi Jezusi kishte ringjallur Llazarin prej së vdekurish, në Betani u shtrua një darkë e veçantë për nder të Tij. Llazari, Marta dhe Maria ishin aty, po ashtu edhe dishepujt dhe shumë të ftuar të tjerë. Kjo ndodhi një javë përpara Pashkës në Jerusalem. Jezusi ishte shpeshherë i ftuari i kësaj familje dhe Maria ulej në këmbët e Tij për të dëgjuar mësimet e Jezusit (Lk. 10:39). Kishte disa kohë që Jezusi u thoshte atyre që shumë shpejt do t’i dorëzohej vdekjes, por sërish dishepujt e Tij ose nuk po e dëgjonin, ose nuk po e kuptonin. Por Maria e kuptoi. Ai tashmë ishte duke vajtuar për vdekjen e Tij, teksa po e vajoste me parfumin e saj të kushtueshëm. Ndërsa veprimet e saj i hutuan dishepujt, Jezusi e dinte arsyen e saj. Ai u prek nga përkushtimi dhe dashuria e saj.

Juda ishte i shpërqendruar nga kostoja e parfumit, të tjerët ishin të shpërqendruar nga Llazari, por Maria ishte e përqendruar te Jezusi. Ajo e dinte që “nuk do ta kishte gjithmonë (Atë)” (v. 8) Cili është fokusi juaj sot? — Laura N. Sweet

Ndërsa luteni, përqendrojeni dashurinë ddhe vëmendjen tuaj te Jezusi.

#DarkëMeJezusin #MariaNëKëmbëtETij #PërkushtimIDashur #FokusTeJezusi #DashuriEÇmuar #VajosjaEJezusit #Gjoni1211 #FjalëteShpresës

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-38-woha-38

Darkë me tagrambledhësit

Loading poll …

Dita 38 | Lexoni nga Luka 19:1-10

“Dhe ai zbriti me nxitim dhe e priti me gëzim.” (v. 6)

E kemi parë Jezusin në një darkë ku Ai u vëzhgua, u testua dhe u sfidua nga ata që e konsideronin veten të paqortueshëm. Por çfarë ndodhi kur Jezusi u pranua me gëzim nga dikush të cilin të gjithë e dinin se ishte mëkatar? Çfarë tabloje krejtësisht e ndryshme ishte ajo!

Kjo historia me Zakeun, njeriun shtatshkurtër që u ngjit në një pemë fiku që të shihte Jezusin, është shumë e dashur. Na thuhet se ai u ngjit në pemë sepse kishte shtat të shkurtër, por ka mundësi që ai të shpresonte se pema ta fshihte dhe që ai ta shihte Jezusin pa tërhequr vëmendjen e të tjerëve. Zakeu nuk ishte një njeri popullor. Ai ishte tagrambledhës dhe këta njiheshin si njerëz të pandershëm që mashtronin të tjerët për t’u pasuruar. Por Zakeu nuk mund të fshihej dot nga Jezusi! Jezusi mori iniciativën që ta takonte. Ai pa lart në pemë, e thirri me emër dhe ftoi Veten për darkë në shtëpinë e Zakeut. Zakeu u gëzua shumë. Ndërsa të tjerët murmurisnin sepse Jezusi shkoi të hante me një mëkatar, Zakeu e priti Atë me gëzim. Dhe rezultati? Gëzim, shpëtim dhe ripërtëritje për një bir të humbur të Izraelit. Çfarë gëzimi pati ajo ditë!

Zakeu u zotua që t’u jepte të varfërve gjysmën e pasurisë së tij dhe t’ia kthente “katërfish” kujtdo që i kishte marrë me mashtrim (v. 8). Një zemër e ndryshuar është provë e shpëtimit. Kështu është dhe pranimi me gëzim i Jezusit dhe mësimeve të Tij në jetën tuaj. Çfarë ju sjell juve gëzim sot? — Laura N. Sweet

Ndërsa luteni, kërkojini Perëndisë t’ju hapë zemrën që të merrni me gëzim Fjalën e Tij.

#Zakeu #Luka1910 #ShpetimiVjen #GëzimNëZot #ZemërENdryshuar #JezusiNaGjen #FjalaEPerëndisë #DarkëMeJezusin #FjalëteShpresës

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-37-woha-37

Darka me një farise, Një pamje e Mbretërisë

Loading poll …

Dita 37 | Lexoni nga Luka 14:15-24

“Unë po ju them se asnjë nga ata njerëz që ishin të ftuar, nuk do ta shijojë darkën time”. (v. 24)

“Lum kush do të hajë bukë në mbretërinë e Perëndisë”. (v. 15) Këto ishin fjalët e njërit prej të ftuarve në darkën e fariseut dhe ato janë fjalë të vërteta. Por kush do të hajë në këtë gosti? Dhe kush do të zhgënjehet atë ditë?

Gjatë gjithë darkës farisenjtë kishin shfaqur një mungesë dhembshurie për ata që vuajnë, mungesë në kuptimin e Shkrimit dhe mungesë të përulësisë në përgjithësi. Ndërsa darka vazhdonte, Jezusi ndau një shëmbëlltyrë për t’i paralajmëruar ata për rrezikun se mund të humbisnin Mbretërinë e Perëndisë. Në këtë histori, njeriu që shtroi darkën përfaqëson Perëndinë, ata që u ftuan në fillim përfaqësonin hebrenjtë, në veçanti farisenjtë. Kur erdhi dita e darkës, ata që ishin ftuar ishin të zënë me punë të parëndësishme dhe treguan mungesë respekti ndaj mikpritësit, duke dhënë justifikime të dobëta që nuk mund të merrnin pjesë. Prandaj, në vend të tyre u ftuan të tjerë, të varfërit, të pamundurit dhe njerëzit e parëndësishëm nga jashtë qytetit (që përfaqësojnë johebrenjtë). Jezusi po i paralajmëronte farisenjtë se Mbretëria mund të mbushet dhe ata mund të lihen jashtë për shkak të krenarisë dhe refuzimit të ftesës së Perëndisë. Refuzimi i tyre për ta pranuar Jezusin si Krishtin do t’i linte ata jashtë Mbretërisë.

A po ju pengon diçka për te Mbretëria sot? Ata që e përulin veten dhe vijnë te Jezusi me besim dhe pendim do të jenë të bekuarit, ata që do “të hanë bukën e Mbretërisë së Perëndisë!” — Laura N. Sweet

Ndërsa luteni, falënderoni Perëndinë për mbretërinë e Tij tani dhe që do të vijë.

#MbretëriaETij #FtesaEDarkës #ZotiFton #MosRefuzoFtesën #PerulësiDheBesim #BukëNëMbretëri #TëZgjedhuritJoTëFtuarit #fjalëteshpresës

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-36-woha-36

Darka me një farise, Përulësia

Loading poll …

Dita 36 | Lexoni nga Luka 14:1-14

“Sepse kushdo që e larton veten do të ulet, dhe kush e përul veten, do të lartësohet”. (v. 11)

Keni qenë ndonjëherë në ndonjë darkë ku jeni ndier sikur po ju vëzhgojnëme imtësi? Mbase ka qenë në ndonjë restorant me shefin tuaj, apo hera e parë që keni takuar vjehrrit tuaj. Kurdo që të ketë ndodhur, kjo mund të jetë shumë e sikletshme! Jezusi ishte ftuar për darkë në shtëpinë e një fariseu dhe ishte e qartë se armiqtë e Tij po e vëzhgonin me imtësi. Por edhe Jezusi po i vëzhgonte ata dhe do të ndante mendimet e tij përpara se të mbaronte darka.

Farisenjtë e kishin ftuar Jezusin në mënyrë që “ta shihnin me mikroskop”, por në vend të kësaj, Jezusi vuri re mungesën e dhembshurisë, mirëkuptimit dhe përulësisë tek ata. Ata ishin të pandjeshëm ndaj njeriut hidropik (me siguri me edemë) dhe gati e sfiduan Jezusin që ta shëronte atë gjatë së Shtunës dhe sigurisht, Jezusi këtë bëri. Farisenjtë luftonin për një vend nderi në gosti, por Jezusi u kujtoi atyre Shkrimin që i inkurajonte ata që të kërkonin vendet më pak të nderuara, që më vonët’i lartësonte i zoti i gostisë. (FeU. 25:6-7). Më pas, të zotit të shtëpisë, Jezusi i dha një mësim mbi mikpritjen e Mbretërisë, duke e nxitur atë që të ftonte të varfërit dhe të pamundurit në gostinë e tij, ata që nuk mund t’ia shpërblenin. Shpërblimi i mikpritësit do të ishte i përjetshëm.

Në zemër të krenarisë së farisenjve ishte mendimi i tyre se vetëm ata ishin të drejtë në sytë e Perëndisë. Jezusi do ta sfidonte këtë mendim ndërsa vazhdojmë me këtë pasazh nesër. Krenaria në drejtësinë e tyre i pengonte ata për shpëtimin. — Laura N. Sweet

Ndërsa luteni, kërkojini Pernëdisë një frymë të vërtetë përulësie.

#KrenariaPengonShpëtimin #MbretëriaPërTëVarfrit #ShpërblimIPerjetshëm #LutuMePërulësi #Dita36LeximBiblik #JezusiMeson #ZemraQëShehTëTjerët #fjalëteshpresës

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-35-woha-35

Jezusi ushqen 5000 njerëz

Loading poll …

Dita 35 | Lexoni nga Marku 6:30-44

Të gjithë hëngrën sa u ngopën. (v. 42)

Një nga emrat e Perëndisë të zbuluar në Dhiatën e Vjetër është Jehova Jireh, “Zoti do të sigurojë” (Zan. 22:14). Padyshim që ky emër është i vërtetë për Zotin Jezus. Deri tani kemi parë Jezusin si të ftuar në disa gosti, por në pasazhin e sotëm nga Bibla do ta shohim Atë si mikpritës, duke siguruar për të gjithë ata që shkuan tek Ai.

Jezusi dhe dishepujt e Tij kishin shkuar në një vend të vetmuar për pak qetësi dhe çlodhje, por turmat i paraprinë mbërritjes së tyre dhe shkuan më parë. Ishin mbledhur me mijëra për të parë Jezusin. “…si delet pa bari” (v. 34) dhe Jezusi pati dhembshuri për ta. Kur erdhi koha e darkës kishte shumë njerëz për t’u ushqyer dhe pak ushqim; pesë bukë dhe dy peshq. Dishepujt i thanë Jezusit që t’i dërgonte këta njerëz që të gjenin ushqim. Por Jezusi nuk do të largonte asnjë! Ajo që siguroi Ai për nevojat e tyre ishte e mirë dhe bujare. Të gjithë hëngrën sa u ngopën. Ajo që siguroi Ai ishte kaq e bollshme sa mbetën 12 shporta plot me ushqim. Dhe këtë e bëri me mrekulli. Ashtu si me vajin dhe miellin e vejushës në Dhiatën e Vjetër (1 Mbr. 17), Jezusi mori pak dhe e shumëfishoi herë pas here.

Qofshin nevojat tuaja shpirtërore apo fizike, si uria e turmës së njerëzve, mos kini frikë ta çoni para Jezusit nevojë tuaj. Ai është i mirë, Ai është bujar dhe Ai ka fuqinë që të bëjë mrekulli. Ai gjen kënaqësi kur plotëson nevojat e njerëzve të Tij. Ai është vërtet Jehovah Jireh për ne. — Laura N. Sweet

Ndërsa luteni, çojini te Jezusi nevojat tuaja dhe besoni se Ai do të sigurojë.

#fjalëteshpresës #meditime #biblestudy #dita35

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

web-dita-34-woha-34

Një darkë e pakëndshme

Loading poll …

Dita 34 | Lexoni nga Luka 7:36-50

Por Jezusi i tha asaj gruaje: ”Besimi yt të shpëtoi; shko në paqe!”. (v. 50)

Çdo sy në atë vend ishte mbi atë që në çastinkur ajo hyri në shtëpi. Kishte nënqeshje, tundje koke. Ata e dinin se kush ishte ajo dhe çfarë jete bënte. Vetë Simoni e gjykoi atë ndërsa ajo qante në këmbët e Jezusit, duke derdhur si zemrën ashtu edhe vajin e saj të shtrenjtë mbi Të. Të gjithë po e gjykonin këtë grua mëkatare, përveç Atij që kishte të drejtë që ta gjykonte! Vetëm Ai kishte fjalë mëshire dhe faljeje.

Simoni e kishte ftuar Jezusin për darkë, por nuk kishte bërëçdo gjë për ta respektuar të ftuarin e tij. Asnjë nga zakonet tradicionale nuk u bë, as larja e këmbëve, puthja e mirëseardhjes. Simoni kishte dyshimet e tij për këtë “profet”, Jezusin, por nuk kishte dyshime për këtë grua që po qante dhe që po shkaktonte një situatë të sikletshme. Ajo ishte mëkatare dhe po e prekte Jezusin. Jezusi e krahasoi mikpritjen e ftohtë të Simonit me thellësinë e pendesës dhe emocioneve të kësaj gruaje dhe këtë e përmblodhi në mënyrë të përsosur: “Mëkatet e saj të shumta i janë falur, sepse ka dashur shumë; por kujt i falen pak, do pak” (v. 47)

Tani ishte rradha e Simonit të ndihej në siklet. Ai nuk e kishte idenë për natyrën e tij mëkatare dhe u largua i paprekur nga i ftuari i tij, por kjo grua u largua e falur. Jezusi i tha se besimi i saj e kishte shpëtuar. A mund të thuhet kjo edhe për ju? Atëherë shkoni në paqe dhe duajeni shumë Shpëtimtarin që ju ka falur kaq shumë. — Laura N. Sweet

Ndërsa luteni, tregojini Jezusit se e doni Atë.

#fjalëteshpresës #meditime #biblestudy #dita34

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...

webdita-33-woha-33

Gostia e Levit

Loading poll …

Dita 33 | Lexoni nga Luka 5:27-39

“Pastaj Levi i përgatiti në shtëpinë e tij një gosti të madhe, dhe një numër i madh tagrambledhësish e të tjerë rrinin në tryezë bashkë me ta.” (v. 29)

Ai këtu ishte në një shtëpi me këta njerëz dhe ata po e shijonin shoqërinë e Tij. Po qeshnin, po hanin, po dëgjonin, po flisnin, kishte pyetje të matura dhe përgjigje. Ndërsa disa murmurisnin për njerëzit me të cilët shoqërohej Ai, Jezusit sinqerisht nuk i bëhej vonë për qëndrimin e tyre. Ai ishte një doktor mes të sëmurëve, një bari që kërkonte delet e Tij. Ai ishte Perëndia mes mëkatarëve.

Një ditë Levi, (i njohur edhe si Mateu), la pas gjithçka, përfshirë dhe tezgën e taksave, për të ndjekur Jezusin. Vepra e tij e parë si dishepull ishte të ftonte miqtë e tij në një gosti të madhe në shtëpinë e tij, që edhe ata të mund ta takonin Jezusin. Duket qartë që Levi kishte miq në “vendet e ulëta”, një grup skandalizues tagrambledhësish dhe mëkatarësh. Farisenjtë vrisnin mendjen se pse Jezusi shoqërohej me njerëz të tillë. Por Jezusi e dinte saktësisht se kush ishin këta njerëz: “Unë nuk erdha t’i thërres të pendohen të drejtit, por mëkatarët” (v. 32). Ai shpjegoi se nuk donte thjesht të riparonte sistemin e tyre të vjetër të adhurimit, të rregullonte atë që ishte e vjetër dhe e konsumuar. Jezusi po bënte çdo gjë të re! Për fat të keq, farisenjtë nuk donin të ndryshonin. Atyre u pëlqente më shumë “vera e vjetër” (shih v. 39).

Farisenjtë nuk e kuptonin që, ashtu si miqtë e Levit, ishin të vdekur shpirtërisht dhe kishin nevojë për një doktor. Jezusit i pëlqente të kalonte kohë me ata që e dinin se ishin mëkatarë dhe po kërkonin me sinqeritet një Shpëtimtar. A është kjo gjendja juaj sot? Mos kini frikë, turp apo siklet. Jezusi është miku i mëkatarëve. — Laura N. Sweet

Ndërsa luteni, rrëfeni që jeni mëkatar që ka nevojë për Jezusin.

#fjalëteshpresës #meditime #biblestudy #dita33

web-dita-42-woha-42

Një vakt në Emaus

by Meditime

Dita 42 | Lexoni nga Luka 24:13-27 “Ai u shpjegoi atyre në të gjitha Shkrimet gjërat që i takonin atij.” (v. 27) Pas ringjalljes së Tij, Jezusi u takua ...

web-dita-41-woha-41

Darka e Zotit

by Meditime

Dita 41 | Lexoni nga: Luka 22:14-23 “...bëni këtë në përkujtimin tim.'' (v. 19) Ka disa pasazhe që janë kaq të njohura sa duket sikur nuk i lexojmë më m ...

web-dita-39-woha-39

Darkë me miqtë

by Meditime

Dita 39 | Lexoni nga Gjoni 12:1-11 “Jezusi, pra, tha: ''Lëre! Ajo e ka ruajtur për ditën e varrimit tim.” (v. 7) Darka me miqtë zakonisht është një kohë ...