web-woha-dita-16

Rëra e dyshimit

Loading poll …
A do ta pranosh Krishtin në jetë tënde?

Dita 16 | Lexoni nga: Mateu 14:22-31

“Dhe Jezusi ia zgjati menjëherë dorën, e zuri dhe i tha: ”O njeri besimpak, pse dyshove?”. (v. 31)

A ju vë në siklet pyetja që Jezusi i bëri Pjetrit? Unë jam rritur në një kishë që nuk e çmonte dyshimin. Katekizmi i vjetër i Hajdelbergut më mësoi se Kredoja e Apostujve është “një kredo përtej dyshimit dhe e rrëfyer në mbarë botën.” Tani jetojmë në një botë të parashikuar që në shekullin e 19-të në poemën e Matthew Arnold-it, “Plazhi i Doverit.” Na thotë se: “Detit të Besimit dikur në plotësi, tani i dëgjoj vetëm hungërimën e tij, të gjatë dhe në melankoli, teksa tërhiqet dhe tkurret në madhësi…”

Njerëz të panumërt kanë ngecur në plazh, në rërën e ndryshueshme të dyshimit. Dhe s’dimë çfarë të bëjmë me këtë, sepse drejtuesit tanë s’bien dakord. Ish rokeri dhe predikuesi Rob Bell thotë: “Në qendër të përvojës së krishterë është arti i pikëpyetjes mbi Perëndinë.”(Velvet Elvis). A nënkupton kjo që dyshimi është virtyt? Teologu i patundur Kelly James Clark thotë: “Dyshimi është mëkati i fshehtë i fshehur thellë brenda shpirtit tonë.”(Kur besimi nuk mjafton). Edhe pse ai tregohet i butë me dyshimin, ai sërish mbetet “mëkati sekret.”

Pra, çfarë është? Mëkat apo virtyt? Një pengesë për besimin, apo një pjesë qendrore e besimit? A mund të ketë dyshime një besimtar i vërtetë, apo dyshimi tregon se ju nuk besoni në të vërtetë? A mundet që besimi dhe dyshimi të jetojnë në të njëjtën zemër? Le të reflektojmë një çast për këtë, duke filluar me historinë kur Jezusi i tha Pjetrit: “O njeri besimpak, pse dyshove?”. — Stan Mast

Ndërsa luteni, kërkojini Jezusit që t’ju drejtojë.

#fjalëteshpresës #meditime #newyear2025 #dita16

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-woha-dita-15

Hapi tjetër

Loading poll …
A do ta pranosh Krishtin në jetë tënde?

Dita 15 | Lexoni nga: 1 Korintasve 13:1-13

“Tani, pra, këto tri gjëra mbeten: besimi, shpresa dhe dashuria; por më e madhja nga këto është dashuria.” (v.13)

Shpresoj që kjo seri mbi rezolutat biblike t’ju ketë inkurajuar për të jetuar jetën e krishterë. Ndërsa përpiqeni të përfshiheni në një disiplinë shpirtërore, të jetoni si shërbëtor, të mbështeteni te Fryma e Shenjtë dhe të pasqyroni një mendësi si të Krishtit, le ta mbyllim këtë seri me disa rezoluta biblike themelore që vijnë nga goja e Jezusit.

Dy të parat vijnë nga Urdhërimi i Madh (Mat. 22:37-40): Duajeni Perëndinë dhe duajeni të afërmin tuaj (të tjerët) porsi vetveten. 1 Korintasve 13 bën një përkufizim të dashurisë dhe na kujton se dashuria është themeli mbi të cilin ndërtojmë.

Një tjetër urdhërim nga Jezusi vjen nga Porosia e Madhe (Mat. 28:18-20) Jezusi i udhëzon ndjekësit e Tij që të shkojnë dhe të bëjnë dishepuj. Përmes fjalëve tona, veprimeve, qëndrimeve dhe bashkëveprimeve, ne jemi thirrur të jetojmë si dëshmitarë për Jezus Krishtin.

Një tjetër udhëzim i Jezusit është të jemi kripë dhe dritë (Mat. 5:13-16). Përgjatë historisë, kripa është përdorur për të ruajtur ushqime dhe për të dhënë shije. Drita na jep udhëzime për të na ndihmuar që të shohim qartë; për shembull, dritat e natës, një far për anijet, dritat e pistës në aeroport. Ndërsa jetojmë për Jezusin, ne duhet të jemi kripë dhe dritë, të ruajmë të vërtetën e Fjalës së Perëndisë dhe t’u japim udhëzime atyre që janë të humbur shpirtërisht. Gjatë këtij viti, Perëndia ju dhëntë forcë përmes Frymës së Tij që ta doni Atë mbi çdo gjë tjetër, t’i doni njerëzit që ka sjellë në jetën tuaj, të përmbushni Porosinë e Madhe dhe të jetoni si kripë dhe si dritë. — Steve Petroelje

Ndërsa luteni, kërkojini Perëndisë t’ju ndihmojë të përmbushni çdo rezolutë biblike këtë vit.

#fjalëteshpresës #meditime #newyear2025 #dita15

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

woha dita 14

Jetoni me një mendësi plot mirënjohje

Loading poll …
A do ta pranosh Krishtin në jetë tënde?

Dita 14 | Lexoni nga: Psalmi 16:5-11

“Prandaj zemra ime gëzohet dhe shpirti im ngazëllon…” (v. 9)

Nëse jetoni në Hemisferën e Veriut, në këtë çast po përjetoni dimër. Dimri përfshin temperatura më të ulta dhe më pak ditë. Bashkë me mungesën e ngrohtësisë dhe dritës së diellit, mund të ndiheni edhe të shkurajuar në këtë periudhë pas mbarimit të sezonit të Ditës së Falënderimeve dhe Krishtlindjes.

Gjithsesi, besimtarët në Jezusin kanë shumë gjëra për të qenë falënderues gjatë gjithë vitit. Te Psalmi 16, Davidi përmend shumë arsye se pse Ai mund të falënderojë pavarësisht sfidave me të cilat përballet në jetë. Ai e dinte që Perëndia ishte i pranishëm, besnik, që siguronte dhe mbronte. Ai përpiqej t’i mbante sytë nga Zoti (vvargu tetë) dhe si rezultat, zemra e tij ishte e gëzuar dhe shpirti i tij ngazëllohej. (v.9)

Ndërsa lexoni Psalmin 16:5-11, a bënë jehonë mendimet dhe fjalët e Davidit në jetën tuaj? Shumë shpesh ne i mbajmë sytë tek ato që të tjerët kanë, e vendosim besimin te gjërat tokësore që nuk zgjasin dhe ankohemi për gjithçka që është e gabuar në botë dhe në jetën tonë.

Mbase rezoluta biblike kryesore për ju këtë vit është të jetoni me një mendësi plot mirënjohje. Të përqendroheni tek e mira, të kujtoni që Perëndia është besnik, të përlëvdoni Perëndinë në kohë të mira dhe në kohë të vështira e t’i shprehni mirënjohje Perëndisë dhe të tjerëve. Falënderimi nuk është vetëm një festë për t’u organizuar një herë në vit, por një veprim dhe një qëndrim për çdo ditë të re. — Steve Petroelje

Ndërsa luteni, i shprehni mirënjohjen Perëndisë dhe kërkojini Atij t’ju ndihmojë të jetoni me një mendësi plot mirënjohje.

#fjalëteshpresës#meditime#newyear2025#dita14

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-dita-13-woha

Kini një program të Mbretërisë

Loading poll …
A do ta pranosh Krishtin në jetë tënde?

Dita 13 | Lexoni nga Marku 1:14-15

“…mbretëria e Perëndisë është afër. Pendohuni dhe besoni ungjillin”. (v. 15)

Autori Reffie McNeal e përkufizon kështu Mbretërinë e Perëndisë: “Jeta siç e ka qëllim Perëndia.” Për fat të keq, pas rebelimit të Satanit dhe rënies në mëkat të njeriut, shpesh jeta s’është siç duhet të jetë. Mëkati e njollosi këtë botë dhe mbretëria e errësirës kërkon ta shkatërrojë jetën. Si rezultat, ka konflikte, tundim, varësi, dhunë, marrëdhënie të prishura, egoizëm, abuzim, padrejtësi, racizëm dhe vdekje.

Fatmirësisht, Jezusi erdhi për ta rikthyer Mbretërinë. Ai na ofron një mundësi për të përjetuar një jetë me bollëk (Gjoni 10:10) kur ne pendohemi dhe besojmë në Krishtin. Ungjilli është lajmi i mirë i Jezusit, që siguron shpëtim vetëm nëpërmjet Tij (Gjoni 14:6). Të qenit njeri i Mbretërisë fillon kur bëhesh krijesë e re në Krishtin. Gjoni 3:3 thotë: ”Në të vërtetë, në të vërtete po të them që nëse një nuk ka rilindur, nuk mund ta shohë mbretërinë e Perëndisë”.

Jezusi na mësoi që “para së gjithash kërkoni mbretërinë e Perëndisë dhe drejtësinë e tij.” (Mat 6:33). Ai gjithashtu na mësoi të lutemi: “Ardhtë mbretëria jote. U bëftë vullneti yt në tokë si në qiell.” (Mat 6:10). Mbretëria është më e madhe se Kisha. Çdo kishë lokale dhe çdo i krishterë duhet të përfshihet në punën e Mbretërisë. Njerëzit me një program për Mbretërinë kërkojnë të jetojnë për Jezusin çdo çast të çdo dite, si në punë, në shkollë, në komunitet, në shtëpi, në lagje. Jezusi kishte një program të Mbretërisë. Po ju? — Steve Petroelje

Ndërsa luteni, kërkojini Perëndisë t’ju ndihmojë të ruani një këndvështrim të Mbretërisë dhe të jetoni për Të dhe jo për veten tuaj.

#fjalëteshpresës #meditime #newyear2025 #dita13

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-dita-12-woha

Të përjetojmë bekimin e së Shtunës

Loading poll …
A do ta pranosh Krishtin në jetë tënde?

Dita 12 | Lexoni nga Ligji i Përtërirë 5:12-15

“Do të punosh gjashtë ditë dhe gjatë këtyre ditëve do të bësh çdo punë tënden, por dita e shtatë është e shtuna, e shenjtë për Zotin, Perëndinë tënd;” (v. 13-14)

Lexoni Ligji i Përtërirë 5:12-15 dhe rrethoni ose shënoni fjalët që ju bëjnë përshtypje. Mbase këto fjalë do t’ju ngelin në mendje, ashtu siç ndodhi me mua. E Shtuna, respekto, e shenjtë, të urdhëron, mos harro. Ligji i Përtërirë 5 përfshin 10 Urdhërimet, të ngjashme me ato që janë shkruar te Eksodi 20. 10 Urdhërimet nuk janë mënyra e Perëndisë për ta bërë jetën të vështirë, por janë si “mbrojtëse” që na ruajnë për të mos dalë nga rruga. Kjo është arsyeja se pse në librin kurrikul për fëmijë “Fëmijët e vegjël dhe adhurimi”, mësimi mbi 10 Urdhërimet titullohet: “10 mënyrat më të mira për të jetuar.” Këto urdhërime janë për të mirën tonë dhe kur zbatohen ato jo vetëm që i sjellin lavdi Perëndisë, por na ndihmojnëqë të përjetojmë bekimet e Perëndisë.

Perëndia pushoi në ditën e shtatë të krijimit, edhe ne na krijoi për të pushuar. Besimtarët në Jezusin pushojnë dhe adhurojnë në ditën e parë të javës në kremtim të ringjalljes së Krishtit. Ligji i Përtërirë 5 i kujton dëgjuesit e parë dhe lexuesit sot se skllevërit në Egjipt detyroheshin të punonin shtatë ditë në javë. Të çliruar nga skllavëria e mëkatit përmes besimit në Krishtin, edhe ne duhet të shijojmë një ditë pushimi dhe adhurimi, çlodhëse dhe ripërtëritëse. Detyra jonë është të ngadalësojmë, ta ruajmë atë ditë të shenjtë dhe të kujtojmë. Kjo ditë e veçantë, çdo javë është një dhuratë nga Perëndia. A po e zbatoni, apo po rraskapiteni nga puna, nxitimi dhe shqetësimi i vazhdueshëm? — Steve Petroelje

Ndërsa luteni, kërkojini Perëndisë t’ju ndihmojë të ushqeni dhe të zbatoni ditën e pushimit që ju kërkon ta respektoni.

#fjalëteshpresës #meditime #newyear2025 #dita12

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-dita-11-woha

Administrimi i kohës

Loading poll …
A do ta pranosh Krishtin në jetë tënde?

Dita 11 | Leoxni nga Efesianëve 5:15-17

“…duke e shfrytëzuar kohën, sepse ditët janë të mbrapshta.” (v. 16)

Çdo ditë kemi 24 orë kohë për t’i përdorur, që janë baras me 1440 minuta, ose 86440 sekonda. Ju keni zgjedhur të kaloni disa minuta për të lexuar këtë devocion. Si do t’i kaloni orët, minutat dhe sekondat e tjera të kësaj dite?

Koha është e çmuar dhe në jetën e sotme të ngarkuar të shumë njerëzve, koha është e pamjaftueshme. Pavarësisht përparimeve në teknologji që mund të na ndihmojnë t’i realizojmë gjërat më shpejt, është e lehtë që ne ta shpërdorojmë kohën. Ne jo gjithmonë lëmë kohë të mjaftueshme për familjen, gjimnastikën, gjumin, ripërtëritjen, pushimet, miqtë dhe për Perëndinë. Por ne mund t’ia ofrojmë Psalmin 90:12 si lutje Perëndisë. “Na mëso, pra, të numërojmë ditët tona për të pasur një zemër të urtë. Tek Efesianëve 5:15-16, apostulli Pal na udhëzon: “Kujdesuni, pra, që të ecni me kujdes dhe jo si të marrët, por si të mençurit, duke e shfrytëzuar kohën, sepse ditët janë të mbrapshta.”

Për ta shfrytëzuar sa më mirë kohën që kemi dhe që të jemi shërbëtorë besnikë të kohës tonë, prioritetet dhe kufijtë e qartë na japin mundësi që të bëjmë zgjedhje të mençura. Të mendojmë për atë që Perëndia na ka thirrur të bëjmë, na ndihmon të marrim vendime të perëndishme, kur hasim vështirësi për të ekuilibruar kërkesat e shumta të kohës tonë, si dhe për t’i dhënë prioritet besimit, familjes dhe punës mbi gjithë gjërat e tjera.

Jeta është e shkurtër dhe e nesërmja s’është e garantuar. Si do ta nderoni Perëndinë, të bekoni të tjerët dhe ta shfrytëzoni sa më mirë kohën që Perëndia po ju jep sot? — Steve Petroelje

Ndërsa luteni, kërkojini Perëndisë t’ju ndihmojë të jeni shërbëtor besnik i kohës.

#fjalëteshpresës #meditime #newyear2025 #dita11

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-dita-10-woha

Të rrojmë në Frymë

Loading poll …
A do ta pranosh Krishtin në jetë tënde?

Dita 10 | Lexoni nga Galatasve 5:16-25

“Në qoftë se rrojmë në Frymë, në Frymë edhe duhet të ecim.“ (v. 25)

Dje kujtuam dhuratën e mrekullueshme të Frymës së Shenjtë. Shumica e rezolutave biblike që po trajtojmë në këto 15 ditët e para të Vitit të Ri janë të vështira për t’i përmbushur. Për shkak të efekteve të mëkatit mbi qeniet njerëzore, ne jemi egoistë nga natyra, shpërqendrohemi lehtë dhe pavarësisht qëllimeve tona më të mira, shpesh heqim dorë nga rezolutat. Fryma e Shenjtë na fuqizon që të jetojmë në plotësi dhe besnikëri për Jezusin. Fryma e Perëndisë na ndihmon që të japim fryte shpirtërore dhetë kemi cilësi të karakterit e sjelljes që shprehin transformim të brendshëm (Gal. 5:22-23), në vend që t’i dorëzohemi dëshirave të mishit. Nuk është e lehtë. Te Mateu 26:41, Jezusi tha: “Rrini zgjuar dhe lutuni, që të mos bini në tundim; sepse Fryma është gati, por mishi është i dobët”.

Gjatë leximit të sotëm nga Galatasve 5, mund të shohim ndryshimin mes të qenit i drejtuar nga mishi dhe të qenit i drejtuar nga Fryma e Shenjtë. Romakëve 8:5 na thotë: “Sepse ata që rrojnë sipas mishit e çojnë mendjen në gjërat e mishit, por ata që rrojnë sipas Frymës në gjërat e Frymës.” Të jetuarit sipas mishit mund të na japë kënaqësi afatshkurtra, por të jetuarit sipas Frymës na çon drejt një jete më të mirë që e nderon Perëndinë. — Steve Petroelje

Ndërsa luteni, përdorni lutjen e Davidit te Psalmi 51:10-12: “O Perëndi, krijo tek unë një zemër të pastër dhe përtëri tek unë një frymë të patundur. Mos më largo nga prania jote dhe mos më hiq Frymën tënde të shenjtë. Kthemë gëzimin e shpëtimit dhe përkrahmë me frymë dashamirës.”

#fjalëteshpresës #meditime #newyear2025 #dita10

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-dita-9-woha

Mbështetuni te Fryma e Shenjtë

Loading poll …
A do ta pranosh Krishtin në jetë tënde?

Dita 9 | Lexoni nga Gjoni 14:15-27

“Dhe unë do t’i lutem Atit dhe ai do t’ju japë një Ngushëllues tjetër, që do të qëndrojë përgjithmonë me ju, Frymën e së Vërtetës,…” (v. 16-17)

Mendoni për pajisjet që keni përdorur sot të cilat kërkojnë burim energjie, si ora me alarm, ekspresi i kafes, tharësja e flokëve, makina, kondicioneri apo telefoni. Besimtarët në Jezusin kanë një burim energjie që shpesh ne e marrim për të mirëqenë — Frymën e Shenjtë.

Te Gjoni 14, Jezusi premtoi se Ai nuk do të na linte vetëm, por do të dërgonte Frymën e së vërtetës për të na ndihmuar, këshilluar, bindur dhe pajisur. Ditën e Pentakostit, Fryma e Shenjtë erdhi me fuqi mbi dishepujt dhe i mbushi ata. Ai ende edhe sot vjen për të mbushur jetën e të gjithë atyre që pendohen dhe besojnë. Gjithsesi, shpesh, ne e minimizojmë rëndësinë e Frymës së Shenjtë. Krishtlindja dhe Pashka marrin shumë më tepër vëmendje se Pentakosti.

Në vitin që kemi para, si mund të krijoni një kuptueshmëri dhe një vlerësim më të madh për punën e Frymës së Shenjtë në jetën tuaj? Një besimtar në Jezusin që nuk drejtohet nga Fryma e Shenjtë e humbet burimin e energjisë për të bërë një jetë të krishterë. Siç do ta shohim gjatë devocionit të nesërm, me ndihmën e Perëndisë ne duhet të jetojmë me anë të Frymës. Duke qenë marrës të fuqisë së Frymës së Shenjtë, ne mund të vëmë në praktikë të vërtetën e Fjalës së Perëndisë dhe të qëndrojmë të fortë në mes të tundimeve. Ashtu si gjërat elektronike mbështeten në burimin e energjisë, kushdo që beson në Jezusin ka nevojë për fuqinë e Frymës së Shenjtë për të jetuar me besnikëri dhe për të dhënë fryte. — Steve Petroelje

Ndërsa luteni, falënderoni Perëndinë për dhuratën e Frymës së Shenjtë dhe kërkojini Atij t’ju ndihmojë të ndiqni drejtimin e Frymës.

#fjalëteshpresës #meditime #newyear2025 #dita9

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-woha-dita-8

Pendohuni dhe falni

Loading poll …
A do ta pranosh Krishtin në jetë tënde?

Dita 8 | Lexoni nga: Mateu 18:21-35

“A nuk duhej të kishe mëshirë edhe ti për shokun tënd, ashtu si pata mëshirë unë për ty?”. (v.33)

Ka kaluar një javë nga Viti i Ri dhe ka mundësi që të gjithë ne të kemi diçka për t’u penduar dhe dikë për të falur. Ne jemi njerëz të papërsosur dhe jetojmë në një botë të kalbur nga mëkati. Ashtu si shpesh jemi të ngadaltë për t’u penduar (të pranojmë që kemi gabuar ndaj Perëndisë apo të tjerëve), shpesh jemi të ngadaltë edhe për të falur të tjerët (nuk e falim mëkatin që kanë bërë, ose nuk jemi të gatshëm të harrojmë dhimbjen që na kanë shkaktuar.)

Te Mateu 18, Jezusi i adresohet pendimit dhe faljes. Në shëmbëlltyrë, zotëria e fali një shërbëtor që u pendua. Shërbëtori nga ana tjetër refuzoi të falte dikë që i kishte borxh, edhe pse borxhi ishte shumë herë më i pakët. Zotëria dëgjoi për këtë dhe, i tronditur dhe i trazuar, e qortoi shërbëtorin e tij të cilit i kishte dhënë hir (v.33). Ideja është kjo; ne duhet t’i rrëfejmë Perëndisë mëkatin tonë dhe ndërsa Ai na fal, edhe ne duhet të jemi të gatshëm të falim ata që kanë mëkatuar kundër nesh dhe janë penduar.

Ndërsa udhëtojmë pëgjatë vitit që kemi para, pendimi dhe falja janë dy veprime që duhet të vendosim t’i praktikojmë rregullisht. Ne duhet të pendohemi dhe të kërkojmë falje nga Perëndia dhe të tjerët kur gabojmë, duke nisur me fjalët “Më fal!” Ne mund t’i falim të tjerët, ashtu si Perëndia me hir na fal ne. Për çfarë duhet të pendoheni sot dhe kë do Perëndia që ju të falni? — Steve Petroelje

Ndërsa luteni, përdorni këto fjalë që Jezusi na mësoi te Lutja e Zotit: “Dhe na i fal fajet tona, ashtu siç ua falim ne fajtorëve tanë.”

#fjalëteshpresës #meditime #newyear2025

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...

web-woha-dita-20

Por disa dyshuan

by Meditime

Dita 20 | Lexoni nga: Mateu 28:16-20 “...kur e panë, e adhuruan; por disa dyshuan.” (v. 17) Sa herë që kam predikuar mbi Porosinë e Madhe, i kam anashka ...

web-woha-dita-7

Inkurajoni të tjerët

Dita 7 | Lexoni nga 1 Thesalonikasve 5:11-18

“Prandaj ngushëlloni njëri-tjetrin dhe ndërtoni njëri-tjetrin ashtu sikur edhe bëni.“ (v.11)

Në varësi të vendit ku jetoni, mund ta gjeni veten në një kulturë që është konkurruese, e polarizuar dhe e stërlodhshme. Është e lehtë të shkurajohesh nga ritmi i furishëm i jetës, ndasitë që ekzistojnë dhe nga mënyrat se si njerëzit keqtrajtojnë njëri-tjetrin. Bota jonë ka nevojë për më shumë njerëz inkurajues.

Nëse keni pranë një njeri inkurajues në jetën tuaj, e dini që ai është dhuratë nga Perëndia. Një njeri inkurajues ju mbush me gëzim, ju ngre lart kur jeni të dekurajuar dhe ju ndërton. Sot nuk është e lehtë të jetosh si i krishterë dhe as në shekullin e parë s’ka qenë e lehtë. Në atë kohë, marrësit e letrës së Thesalonikasve, por dhe çdo besimtar në Jezusin që e ka lexuar më pas, është thirrur që të inkurajojë të tjerët. (v.11)

Kë mund të inkurajoni dhe si mund ta bëni? Tek 1 Thesalonikasve 5, apostulli Pal sugjeron që të inkurajojmë ata që janë në shërbesë, “zemërlëshuarit” dhe të “dobëtit” (vv.12-14). Mos ndaloni këtu, inkurajoni këdo që Perëndia ju sjell në jetë. Si pastor, kam marrë ankesa dhe kritika. Gjithashtu, kam marrë fjalë të mrekullueshme dhe pusulla inkurajimi dhe mbështetjeje. Inkurajimi është një bekim që më ndihmon të vazhdoj përpara me besnikëri, frytshmëri dhe këmbëngulje. Perëndia mund t’ju përdorë për t’i dhënë dikujt një dhuratë të mrekullueshme inkurajimi sot dhe në vitin në vazhdim. Nuk kërkon shumë kohë dhe para të bekoni dikë që Perëndia e ka sjellë në jetën tuaj. — Steve Petroelje

Ndërsa luteni, kërkojini Perëndisë t’ju vendosë në mendje emrin e dikujt që ka nevojë për inkurajim. Pastaj vëreni në zbatim këtë dhe bekojeni ditën e këtij personi!

#fjalëteshpresës #meditime #newyear2025

web-dita-24-woha

Shkaqet e dyshimit

by Meditime

Dita 24 | Lexoni nga: Luka 24:36-45 “...pse në zemrat tuaja po lindin dyshime?” (v. 38) Po i kthehemi kësaj historie, sepse përmban një pyetje që duhet t’i ...

web-dita-22-woha

Llojet e dyshimit

by Meditime

Dita 22 | Lexoni nga: Luka 24:36-49 “...vetë Jezusi u shfaq në mes tyre...por ata, të tmerruar dhe gjithë frikë...” (v. 36-37) Dje pamë se si dyshimi mu ...