Dera

Meditime 10 Dhjetor (Lexoni nga Gjoni 10:1-9)

Në të vërtetë, në të vërtetë po ju them: unë jam dera e deleve. (v. 7)

Qeni ynë leh sa herë që një i panjohur afrohet te shtëpia. Që nga vendi ku qëndron te dritarja e sipërme, nëse shikon një shpërndarës jashtë shtëpisë, i zbret shkallët me vrap dhe leh derisa ai person largohet. Fatmirësisht, postieri ynë nuk ka tentuar kurrë të na grabisë, por nëse dikush do të vinte në shtëpi me qëllime dashakeqe, besoj se qeni do t’i lehte edhe atij.

Kafshët e dinë kujt t’i zënë besë. Te Gjoni 10, delet arrijnë ta dallojnë bariun nga vjedhësi, sepse bariu hyn nga dera. Dhe Jezusi është dera nëpërmjet së cilës hyn bariu i mirë. Fakti që Jezusi është dera, nuk do të thotë vetëm që Jezusi është mënyra si arrijmë te Perëndia, edhe pse ka këtë kuptim (v. 9). Fakti që Jezusi është dera, do të thotë që Ai është mënyra si Perëndia vjen tek ne: “kurse kush hyn nëpër derë është bariu i deleve” (v. 2). Para se ne të hyjmë nëpër derë drejt Perëndisë, Perëndia ka ardhur drejt nesh nëpërmjet asaj dere. Ngaqë Perëndia vjen tek ne nëpërmjet një dere në formën e Jezusit, mund ta dimë që Perëndia është i sigurt.

Si delet e trembura apo qentë që lehin, ne mund t’i zëmë besë atij që kalon nëpër derë. E dimë që mund t’i besojmë Perëndisë, sepse Perëndia vjen tek ne nëpërmjet Jezusit. Sa më shumë që e shikojmë Jezusin, aq më shumë mund të qetësohemi dhe të besojmë që Perëndia është i mirë. Pastaj do të jemi gati të “dalim dhe do të gjejmë kullotë” (v. 9). – Sarah Sanderson

Ndërsa luteni, kërkojini Perëndisë t’ju tregojë që mund t’i besoni Atij!

#Krishtlindje#Christmas#fjalëteshpresës#meditime#app#ios#android