Dhënia e Provës

Dita 36 | Lexoni nga 1 Pjetrit 3:8-18

Jini gjithnjë gati për t’u përgjigjur në mbrojtjen tuaj kujtdo që ju kërkon shpjegime për shpresën që është në ju. (v. 15)

Ju ndoshta e keni parë një reklamë që thotë: “Ne nuk bëjmë premtime, ne japim prova.” Ajo që reklama përpiqet të thotë është se premtimet mund të thyhen, por jo kur jepen prova. Prova është më bindëse se sa vetëm premtimet.

Pjetri kishte shumë këshilla për kishën të cilës i dërgoi letër. Të krishterët në atë kohë po përjetonin shtypje dhe shpifje kundër tyre. Pavarësisht këtyre kushteve, ai i inkurajoi që të jetonin jetë të shenjtë dhe të bënin atë që është e drejtë. Një mënyrë jetese e tillë jo vetëm provon ekzistencën e shpëtimit tek besimtarët, por tregon edhe fuqinë e shpresës që ata kanë. Kjo shpresë lidhej me besimin se Perëndia sigurisht do t’i ndihmonte dhe do t’u jepte forcë, që të mos mposhteshin nga presionet dhe shtypjet e ndryshme që përjetonin. Kjo është ajo që Pjetri donte të thoshte kur tha: “Gjithnjë gati për t’u përgjigjur në mbrojtjen tuaj kujtdo që ju kërkon shpjegime për shpresën që është në ju.”

Si të krishterë që po jetojmë sot, ne mund të përballemi me sfida dhe vështirësi për shkak të besimit tonë. Le të mos dorëzohemi. Le të mos mendojmë ta kthejmë të keqen me të keqe. Përkundrazi, le të vazhdojmë të bëjmë atë që është e mirë dhe e drejtë. Duke vepruar kështu, ne tregojmë se jemi të shpëtuar dhe gjithashtu kemi shpresë në çdo rrethanë. — Mungki A. Sasmita

Ndërsa luteni, kërkojini Perëndisë t’ju japë forcë për të vazhduar të bëni të mirën, edhe përballë së keqes.