Do na njohin nga frytet

Dita 74 | Lexoni nga Galatasve 5:25; Mateu 7:15-20

Në qoftë se rrojmë në Frymë, në Frymë edhe duhet të ecim. (v. 25)

Ligji nuk mund t’i prodhojë apo t’i mbajë; vetëm Fryma mund t’i ushqejë. Këto janë frytet e Frymës. Ku po lidhet fryti në jetë dhe familjen tënde, në kishën apo komunitetin tënd?

Tek ungjilli sipas Mateut, Jezusi na paralajmëron për profetët e rremë dhe dy herë ua kujton dëgjuesve që ata do t’i njohin profetët e rremë nga frytet e tyre. Ka shenja të jashtme për natyrën tonë të brendshme dhe, ashtu si profetët e rremë mund të dallohen nga fakti që nuk arrijnë të prodhojnë fryte tëmira, edhe ne mund të kemi fryte që tregojnë se çfarë po vepron brenda nesh. Në gjendjen më të pjekur, fryti i Frymës tërheq vëmendjen jo ndaj nesh apo veprimeve tona, por ndaj Atij që po vepron nëpërmjet nesh. Mua më kujtohet kënga që flet për mënyrën si “do të na njohin që jemi të krishterë nga dashuria për njëri-tjetrin”. Frutat e një peme tregojnë ç‘lloj peme është. Po kështu, fryti i dashurisë, gëzimit, paqes, durimit, mirëdashjes, mirësisë, besimit, zemërbutësisë dhe vetëkontrollit dëshmojnë fuqinë e Frymës së Perëndisë që vepron brenda nesh. Nga rrënjët deri te degët tona, Fryma po lëviz, duke prodhuar të korra që na ushqejnë ne dhe të gjithë njerëzit e Perëndisë, që janë të uritur për të provuar fruta të mira, jo ato që jep bota, por ato që vetëm Perëndia mund t’i japë.

Miq, qëndroni të rrënjosur në lutje, mprehtësi dhe Fjalën e Perëndisë dhe jepni shumë fryte për lavdinë e Perëndisë. – Jessica Bratt Carle

Ndërsa luteni, kërkojini Perëndisë të kultivojë në ju një të korrë të bollshme të fryteve të Frymës!

#fjalëteshpresës #meditime #biblestudy #dita74