Drita e botës

Meditime 9 Dhjetor (Lexoni nga Gjoni 8:1-12)

Dhe Jezusi u foli atyre përsëri duke thënë: “Unë jam drita e botës”. (v. 12)

Ndërsa po qëndronim bashkë në një qendër retreat-esh në bregun e Oregonit, shoqja ime doli të shëtiste në breg në muzg dhe qëndroi gjatë. Duke u sorollatur në errësirë, ajo nuk po arrinte ta gjente dot më rrugën e kthimit. Kur e kuptova që ajo kishte humbur, dola dhe qëndrova buzë detit, duke lëkundur një dritë që shoqja ime të gjente rrugën.

Në historinë që na çon te pika ku Jezusi e quajti veten Drita e Botës, shumë njerëz duket se e kanë humbur rrugën. Jo vetëm që gruaja që e kishin kapur në flagrancë, kishte mëkatuar, por kështu kanë mëkatuar edhe farisenjtë duke e përdorur gruan për ta vënë Jezusin në provë pa qenë të sinqertë për zemrat e tyre. Të gjithë njerëzit në këtë pasazh duket sikur po ikin kuturu në errësirë, por Jezusi është drita e botës. Meqë ngjarja ndodhi “si zbardhi dita” (v. 2), mund të imagjinojmë rrezet e para të dritës që bien mbi tempull ndërsa Ai shfaq këtë emër të ri për Veten. Jezusi u kërkon të gjithë pjesëmarrësve në histori: “shko dhe mos mëkato më” (v. 11), duke e ndjekur atë drejt dritës së dashurisë së përsosur.

Ndonjëherë, ne nuk jemi të vetëdijshëm as për mëkatin tonë. Duket sikur po sillemi kuturu në errësirë dhe nuk arrijmë ta shikojmë që e kemi humbur rrugën. Në kohë të tilla, ngaqë na do, Jezusi, Drita e Botës, na e tregon rrugën që duhet të ndjekim. – Sarah Sanderson

Ndërsa luteni, kërkojini Perëndisë t’ju tregojë ato fusha të jetës ku e keni humbur rrugën!

#Krishtlindje #Christmas #fjalëteshpresës #meditime #app #ios #android