Frytet kundër vetëndihmës

Dita 63 | Lexoni nga Gjoni 15:1-8

Por fryti i Frymës… (Galatasve 5:22)

Shumica e librarive që janë të ndara me zona tematike, do të kenë shumë rafte kushtuar pjesës së quajtur “libra vetëndihmues”. Krijuar për të na ndihmuar të luftojmë zakonet tona të këqija apo marrëdhëniet jofunksionale, këta libra janë tërheqës për dëshirën tonë për vetëpërmirësim. Dëshira të tilla nuk janë të këqija, s’do mend, por nëse biem pre e idesë që mund ta ndreqim veten me anë të fuqisë sonë, marrim përsipër një barrë që është shumë e madhe për ne. Shumë prej nesh kanë mësuar, në një mënyrë apo një tjetër, që vetëm vetëndihma nuk mjafton. Na nevojitet ndihma e të tjerëve – sidomos e Perëndisë – për të ndryshuar sjelljen dhe për t’u shëruar nga sjelljet që na lëndojnë. Dhe kemi nevojë që të tjerët të na falin dhe të na tregojnë se si ta falim veten, kur pengohemi pashmangshmërisht gjatë rrugës.

Fryti i Frymës ofron një kontrast të mprehtë ndaj lëvizjes së vetëndihmës. Ne nuk e sajojmë dashurinë, gëzimin apo paqen me anë të vullnetit tonë. Fryti që lulëzon në dhe nëpërmjet nesh me anë të fuqisë së Frymës së Shenjtë, është hiri i pastër. Nuk është një trofe e arritjeve tona apo një masë e punës sonë të palodhur, por një lulëzim i veprave të Perëndisë. Është një funksionim i bashkësisë me Krishtin. Ne jemi çliruar nga detyra për t’i fituar frytet; por marrim formë dhe krasitemi nga vepra e dashurisësë Perëndisë. Kur jemi më vete, s’mund të prodhojmë fryte të mira. Nëpërmjet fuqisë së Frymës ne lulëzojmë në vizionin e restauruar të asaj që na projektoi Perëndia të jemi. – Jessica Bratt Carle

Ndërsa luteni, kërkojini Perëndisë t’ju çlirojë që të bëheni personi që u krijuat të ishit!

#fjalëteshpresës #meditime #biblestudy #dita63