Gëzimi i Tij

Dita 81 — Lexoni nga: Hebrenjve 12:1-11

“…për gëzimin që ishte përpara tij, duroi kryqin…” (v. 2)

Kur isha i vogël, dy ditët e mia të preferuara të vitit ishin ditëlindja ime dhe Krishtlindja. Gjëja që prisja më shumë gjatë këtyre ditëve… dhuratat. Sigurisht! S’kishte gëzim më të madh për mua sesa të hiqja mbështjellësen dhe të shihja çfarë kishte brenda. Ishte një mister. Prindërit e mi nuk merrni kurrë shumë dhurata, por duket se i shijonin ditëlindjet dhe Krishtlindjet po aq sa, mbase edhe më shumë, se unë. Ndërsa rritesha, fillova të kuptoja se gëzimi i tyre më i madh ishte familja jonë. Gëzimi ynë ishte gëzimi i tyre.

Libri i Hebrenjve është një letër inkurajimi për të krishterët në vështirësi për të ruajtur besimin. Libri gjurmon premtimet dhe profecitë më të fuqishme të Dhjatës së Vjetër deri në vdekjen dhe ringjalljen e Jezus Krishtit. Autori argumenton se asnjë kosto tokësore s’mund të krahasohet me dhuratat qiellore që presin çdo besimtar. Dhimbja e përkohshme në këtë botë do t’ia lërë vendin gëzimit të përjetshëm. Më pas, autori i thekson të krishterëve modelin e përsosur të këmbënguljes: Jezus Krishtin, i cili vuajti përndjekje dhe duroi kryqin “për gëzimin që ishte përpara tij” (v. 2). Cili ishte ky gëzim?

Unë dhe ju. Si trashëgimtar dhe sundues i ligjshëm i krijimit, Jezus Krishti gjithmonë ka patur gjithçka. Gjithçka përveç të vetmes gjë që s’mund të merret me forcë: dashurisë sonë. Motivimi ynë për të ndjekur besimin është premtimi i një personi, dashurisë sonë të parë, Atij që na bëri ne gëzimin e Tij. Bëjeni Atë gëzimin tuaj këtë periudhë. — Ben Van Arragon

Ndërsa luteni, përfytyrojeni Jezusin teksa gjen gëzim të madh në ju.