I admirueshëm

Meditime 3 dhjetor (Lexoni nga Isaia 9:1-7)
Dhe do të quhet i admirueshëm… (v. 6)

Ne mund të themi “Kjo është e admirueshme”, duke nënkuptuar që diçka është e shkëlqyer ose e jashtëzakonshme, por fjala e admirueshme në anglisht përmban kuptime të tjera. Diçka e admirueshme mund të jetë plot mrekulli, duke na ngjallur edhe një sens nderimi. Mund të jetë edhe diçka që na shtyn të vrasim mendjen, të reflektojmë ose të pyesim. Fjala në hebraisht që këtu është përkthyer i admirueshëm nënkupton diçka që i përafrohet një vepre të mrekullueshme ose mrekullie.
Shumë kohë para lindjes së Jezusit, Isaia u tha bashkëkohësve të tij izraelitë që ardhja e Mesias do të nënkuptonte se “populli që ecte në terr pa një dritë të madhe” (Isaia 9:2). Një foshnjë e pazakontë do të vinte për të sjellë dritë në terr. Kjo profeci do të ketë ngjallur pyetje dyshimngritëse tek njerëzit që e dëgjuan fillimisht. Ç’mrekulli dhe nderimi duhet të ketë frymëzuar foshnja Jezus në zemrat e atyre që e takuan në fillim? Ç’mrekulli magjepsëse që Perëndia e ka lënë drejtimin e gjithë botës mbi supet e kësaj foshnjeje të vogël?! Ç’gëzim të mrekullueshëm ka të rezervuar ende Jezusi për të gjithë ata që i besojnë Atij!
Në pjesën veriore të botës, dhjetori është një periudhë e errët e vitit që shpeshherë ne e presim me drita xixëlluese. Kur ne ndalojmë të mrekulluar dhe të befasuar nga pamja e një peme Krishtlindjeje me drita apo e një vitrine dyqani, a do të zgjedhim edhe të bëjmë vend në zemrat tona për ta soditur dritën madhështore Të Admirueshmit që vazhdon të shkëlqejë ende në errësirën tonë? – Sarah Sanderson

Ndërsa luteni, kërkojini Perëndisë t’ju japë një sens mrekullie në këtë sezon Adventi!

#Krishtlindje #Christmas #fjalëteshpresës #meditime #app #ios #android