Jezusi është i mallkuar!

Dita 9 | Lexoni nga 1 e Korintasve 12:1-3

Por ne e konsideronim të goditur, të rrahur nga Perëndia. (Isa. 53:4)

Përfytyroni sikur jeni pjesë e një grupi për të adhuruar në një sinagogë hebreje në një qytet tipik grek të shekullit të parë, le të themi në Korint, në vitin 50 pas Krishtit, me një ose dy vite ndryshim. Predikuesi, Sauli i Tarsusit, tregon historinë e vdekjes së Jezusit në kryq dhe vazhdon me lajmin edhe më të pabesueshëm të ringjalljes së Tij prej së vdekurish. Pastaj, ai e mbyll gjithë predikimin e tij me deklaratën e guximshme: “Jezusi është Zot!”

Pas kësaj në sinagogë shpërthejnë trazirat. Disa bien dakord me mesazhin e Palit, por më të shumtit po i hakërehen! “Jo,”, bërtasin ata, “Jezusi është i mallkuar!” Ligji i Dhiatës së Vjetër e deklaron qartë: “…ai që rri varur është i mallkuar nga Perëndia,…” (LiP. 21:23). Ligji kërkonte që një kriminel i dënuar me vdekje duhej të vritej me gurë. Më pas trupi ngulej në një dru, ose varej në një pemë derisa të binte dielli për të shpallur në mënyrën më gjallë se si mëkati, edhe mëkatari janën në gjykimin hyjnor.

“Krishti na shpengoi nga mallkimi i ligjit, sepse u bë mallkim për ne…”, shpjegon apostulli Pal (Gal. 3:13). Ata që e refuzuan Jezusin, mendonin se kishin kuptuar gjithçka; Jezusi u var në dru, Jezusi ishte i mallkuar, prandaj Jezusi ishte një shkelës i ligjit dhe jo Mesia. Logjika e Ungjillit është e ndryshme. Jezusi ishte i mallkuar (për ne), prandaj, ne jemi të bekuar, nëse e njohim Atë, i besojmë Atij dhe besojmë tek Ai. Në vend të mallkimit të Perëndisë, kemi bekimin e Perëndisë. Në vend të ndëshkimit të Perëndisë, ne kemi favorin e Perëndisë. Në vend të refuzimit të Perëndisë, ne kemi miqësinë dhe jetë me Perëndinë. — David Bast

Ndërsa luteni, falënderoni Jezusin që zuri vendin tuaj dhe mori mbi vetem mallkimin tuaj.

#fjalëteshpresës#meditime#biblestudy#dita9