Kisha shtëpi, jo katedrale

Dita 35 | Lexoni nga Romakëve 16:5; Veprat e Apostujve 20:17-20

I bëni të fala edhe kishës që është në shtëpinë e tyre. (Rom. 16:5)

Katedralja e madhe mesjetare e Notre Damit në Paris u rihap për publikun në dhjetor të vitit 2024 pas një zjarri shkatërrues. Falë teknikave të reja për të larguar tymin, raportimet thonë se katedralja e rinovuar është spektakolare. Megjithatë, të krishterët e hershëm takoheshin në vende shumë më modeste.

Pali e pranon se të gjitha kishat e johebrenjve ishin falënderues për çiftin judeas, Prishilën dhe Akuilën, të cilët ishin drejtuesit e kishës judease (Rom. 16:5). Këto kisha nuk ishin katedrale, dhe madje as ndërtesa kishash me nga 100 apo më shumë njerëz, por ishin kisha shtëpi. Tek Veprat e Apostujve 20:17-20 mësojmë se kur Pali qëndroi në Efes, ai e ndau ungjillin “nëpër shtëpi”. Tek Romakëve 16, Ampliu, Julia, dhe Urbani janë emrat latinë, që janë renditur, dhe mund të kenë qenë pjesë e një kishe shtëpi që fliste latinisht. Shumë nga emrat e tjerë të renditur janë emra grekë, siç janë Trifena, Trifoza dhe Persida, të cilët mund të kenë qenë drejtues të një kishe shtëpi që fliste greqisht. Me shumë gjasa, greqishtja ka qenë gjuha kryesore në mesin e kishave shtëpi. Shumica e shtëpive romake ishin mjaft të bollshme dhe të mëdha sa për të akomoduar 20 njerëz, kështu që ka gjasa që ky duhet të ishte përafërsisht numri i çdo kishe shtëpi në atë zonë.

Po kështu, duket me gjasa që kisha në Romë ishte e përbërë nga pesë ose më shumë kisha shtëpi, kështu që Pali po u shkruante diku tek 100 njerëzve! E megjithatë, dashuria e tyre besnike përtej gjuhës dhe zakoneve, eventualisht solli konvertimin e perandorisë. Kur ne fillojmë të shqetësohemi së tepërmi për numrin e njerëzve në kishat tona, le të mbajmë mend që Pali u shkroi kishave shtëpi, dhe jo katedraleve. — Kent Fry

Ndërsa luteni, kërkoni që dashuria për njëri-tjetrin të shtohet më shumë në kishën tuaj.