Marrëzia e Kryqit

Dita 87 | Lexoni nga 1 e Korintasve 1:18-25

Sepse mesazhi i kryqit është marrëzi për ata që humbin, por për ne që shpëtohemi është fuqia e Perëndisë. (v.18)

Sot i shohim kryqet kudo — duke zbukuruar kisha, varur në bizhuteri, të shtypur në bluza dhe të bëra tatuazhe në parakrahë. E njohim aq mirë kryqin sa nuk arrijmë të kuptojmë sa tronditës ishte vërtet kryqëzimi i Jezusit.

Për të krishterët në Korint, apostulli Pal shkroi: “Mesazhi i kryqit është marrëzi për ata që humbin, por për ne që shpëtohemi është fuqia e Perëndisë” (v. 18). Kryqi vërtet ishte marrëzi për botën greko-romake. Ai përfaqësonte mënyrën më brutale të vdekjes përmes torturës. Shumë më tepër se agonia fizike, kryqi ishte simbol i turpit dhe poshtërimit të plotë. Kryqëzimi rezervohej për kriminelët më të këqij — llumin e shoqërisë si vrasës, tradhtarë dhe skllevër rebelë. Ishte gjithashtu një paralajmërim i qartë për këdo që guxonte t’i kundërvihej autoritetit romak.

E megjithatë, kjo është rruga që Perëndia triun ka zgjedhur për të sjellë shpëtimin në botë! Kryqi i rrëzon hamendësimet tona për urtësinë dhe fuqinë. Kur Jezusi, Biri i Perëndisë, zgjodhi me vullnet të vdiste në llojin më të tmerrshëm dhe turpërues të vdekjes, ne shohim sa larg ishte gati të shkonte Perëndia për të na shpëtuar në mëkatin tonë dhe për ta vendosur këtë botë në vijë. Në fjalët e G. K. Chesterton, kjo ka këtë kuptim “Lavdi Perëndisë në vendet më të Ulëta”! — Brian Keepers

Ndërsa luteni, kërkojini Perëndisë t’ju ndihmojë të pranoni fuqinë dhe urtësinë e tij në Krishtin, edhe pse bota e konsideron marrëzi.