Mirësia

Dita 69 | Lexoni nga Galatasve 5:22-23; Zanafilla 1

Por fryti i Frymës është… mirësia. (v. 22)

Ne e përdorim fjalën “i mirë” në mënyra të ndryshme. Ushqimi ishte i mirë, dita ime ishte e mirë, fëmijët u sollën mirë, filmi ishte i mirë, ai e fliste mirë spanjishten, po ndihem mirë. Cilës mund t’i referohet “mirësia” si fryt i Frymës? Nuk mendoj që Pali po përshkruan vetëm sjelljen e mirë apo edhe një përmasë të cilësisë apo ekselencës. Tek e fundit, ai po tenton t’i ndihmojë të krishterët e Galatisë të shikojnë dallimet mes dëshirës së mishit dhe dëshirës së Frymës. Dëshira e mishit ka sensin e vet të asaj që është “e mirë”. Si na e jep dëshira e Frymës një matës krejt ndryshe për mirësinë?

Ndoshta mirësia që Fryma shfaq është më e ngjashme me mirësinë për të cilën dëgjojmë në kapitullin e parë të Zanafillës, ku Perëndia e shpreh vazhdimisht që rendi i krijuar është i mirë. “Dhe ja, ishte shumë mirë” (Zan. 1:31). Krijimi ishte i mirë, sepse po shkonte ashtu si e kishte krijuar Perëndia, me njerëzit, kafshët dhe bimët në harmoni të plotë. Mirësia e krijimit ishte një paqyrim i mirësisë përfundimtare të Perëndisë. Rënia pasuese e njerëzimit në thyerje na ka lënë me një dëshirë për Perëndinë që ta rikthejë krijimin te mirësia dhe plotësia që Perëndia ende ka si qëllim për ne. Ndoshta fryti i mirësisë së Frymës na e tregon se si do jetë ai premtimi i mirësisë së restauruar. Është nga ajo mirësi që e kap ritmin e krijimit dhe parashikon mirësinë e qiellit të ri dhe tokës së re. – Jessica Bratt Carle

Ndërsa luteni, kërkojini Perëndisë ta ndajë me ju përmasën e mirësisë së Tij!

#fjalëteshpresës #meditime #biblestudy #dita69