Mos bëni numra

Dita 47 | Lexoni nga Romakëve 12:9-13; 1 e Pjetrit 1:22

Dashuria le të mos jetë me hipokrizi; urreni të keqen dhe ngjituni pas së mirës. (Rom. 12:9)

Vetëm pak përpara ndeshjes sonë në transfertë, që premtonte të ishte goxha sfiduese, trajneri i basketbollit në gjimnaz na tha: “Mos më bëni numra. Dua pasime të qarta e të sakta, gjuajtje të përzgjedhura dhe përqendrim te vija fundore”.

Në të njëjtën mënyrë, Pali tek Romakëve 12:9-13 bën thirrje që të “mos bëhen numra” me jetesën brenda komunitetit të krishterë në Romë. Përpara se Pali ta shkruante këtë letër, në Romë kishte ndodhur një ngjarje që kishte pasur ndikim tek kishat shtëpi. Në vitin 49 pas K. perandori Klaud i kishte përzënë judenjtë nga Roma. Kjo gjë përmendet tek Veprat e Apostujve 18:2: “Klaudi kishte urdhëruar që të gjithë judenjtë të largohen nga Roma”. Dëbimi i judenjve nga Roma mund të ketë rezultuar nga debatet e nxehta nëse Jezusi ishte apo jo Mesia, ose me shumë mundësi nga numri i konvertimeve në besimin e krishterë të romakëve që kishin pozita të larta. Kur besimtarët judenj u lejuan që të rikthehen në Romë, kjo ishte një zgjidhje e ndjeshme, dhe Pali e këshilloi komunitetin e krishterë të mos bënte “gomarllëqe”. Brenda kishave të ndryshme shtëpi, të përbëra edhe nga judenj edhe nga johebrenj, ndjekësit e Jezusit duhet të jetojnë me një dashuri pa hipokrizi.

Studiuesit biblikë nxjerrin në pah strukturën me fjali të shkurtra, përdorimin e pjesoreve në formën urdhërore dhe udhëzimet “me breshëri” si shenja të seriozitetit të Palit: “Dashuria le të mos jetë me hipokrizi; urreni të keqen dhe ngjituni pas së mirës. Duajeni njëri-tjetrin me dashuri vëllazërore” (v. 9-10). Edhe ne jetojmë në një kohë kur nuk duhet të bëjmë numra në jetën tonë të krishterë së bashku. — Kent Fry

Ndërsa luteni, kërkoni që bota do të na njohë që jemi të krishterë nga dashuria jonë pa hipokrizi.