Në pozicion të sigurt

Dita 51 | Lexoni nga Romakëve 13:11-14

Erdhi ora të ngrihemi nga gjumi. (v. 11)

Data 6 qershor 1944 njihet si dita kur forcat aleate zbarkuan në brigjet e Francës gjatë luftës së dytë botërore. Kjo ditë është një ilustrim fantastik për shpresën biblike tek e ardhmja e Perëndisë. Në atë ditë në Normandi, forcat aleate krijuan një pozicion në plazh që siguronte mënyrën për të sjellë më shumë burime nga Anglia në territorin kontinental të Evropës. Patjetër, kishin ende shumë beteja përpara, mirëpo mundësia për fitore ishte e siguruar.

Po kështu, Pali e kishte kuptuar plotësisht se me kryqin dhe ringjalljen e Jezu Krishtit, errësirës po i vinte fundi dhe ora kishte ardhur. Kjo botë është krejtësisht e shndërruar ndërkohë që ne presim rikthimin e Jezu Krishtit. Në këtë pjesë të librit të Romakëve të fokusuar tek etika, e cila filloi duke i paraqitur trupat e besimtarëve si një fli i gjallë (12:1), atyre që ishin “të dobët” në kishën romake u ishte bërë thirrje të hiqnin dorë nga hakmarrja dhe nga përçmimi i të konvertuarve të rinj johebrenj. Ndërsa atyre që ishin “të fortë, pra, johebrenjve, u ishte bërë thirrje ta refuzonin pushtetin dhe privilegjin e tyre brenda perandorisë romake. Për ta ilustruar këtë, Pali përdori dy imazhe. Së pari, ishte imazhi i natës, kur njerëzit shpeshherë janë duke u argëtuar dhe duke u dehur; ata që i besojnë Jezusit duhet të jetojnë ditën. Ndërsa imazhi i dytë ishte ai i rrobave të reja, pra, të veshim rrobat e Jezu Krishtit, që me shumë gjasa ishte një aluzion ndaj rrobave të reja që vishen gjatë kohës së pagëzimit.

Shpresa e krishterë tek ardhja e Zotit Jezu Krisht nuk na çon drejt dembelizmit etik, por stimulon jetesën e ngjashme me Krishtin, në këtë çast dhe në këtë jetë. Dhe, si ata që ishin të dobët dhe ata që ishin të fortë në kishën romake, kishin nevojë për këtë pozicion. Po ashtu edhe ne. — Kent Fry

Ndërsa luteni, i kërkoni Perëndisë t’ju fuqizojë sot për të jetuar si një ndjekës i Jezusit.