Një ëndërr e vonuar

Dita 79 | Lexoni nga Zanafilla 37:1-11

Pashë një ëndërr tjetër! (v. 9)

Vite më parë, pashë të bëhej realitet një ëndërr që e kisha prej kohësh: Unë dhe im shoq u pranuam të shkonim misionarë. Ditën pasi u bashkuam me një shërbesë e aplikuam për udhëtim, me postë mbërriti një çek i papritur me shumën që duhej që të shkonte njëri nga ne. Po atë javë, mbërriti një çek tjetër që financoi pjesën tjetër. U gëzuam kur pamë sa qartë po e hapte Perëndia rrugën që të shkonim, por një javë para nisjes, morëm lajme jo të mira për organizatën e u detyruam ta anulonim udhëtimin. Pse ajo “po”-ja aq e qartë e Perëndisë papritur ishte kthyer në jo?

I biri i Jakobit, Jozefi, shihte ëndrra. Një natë, Jozefi pa diellin, hënën dhe njëmbëdhjetë yje që përkuleshin para tij, një ëndërr që ai e ndau me gëzim me njëmbëdhjetë vëllezërit e tij xhelozë që ditën tjetër. Pak kohë më vonë, vëllezërit e Jozefit e shitën në skllavëri – krejt e kundërta e favorit të treguar në ëndrrën e tij. Por Jozefi u mbajt kapur pas Perëndisë dhe ngadalë filloi të bëhej i dyti në komandë për faraonin e Egjiptit. Ëndrra e tij u bë realitet, ndërsa vëllezërit u përkulën para tij në kohë zie buke, duke iu lutur për ushqim.

Edhe pse unë jam ende duke pritur që ëndrra ime të bëhet realitet, historia e Jozefit më jep shpresë. Ëndrrës simbolike të Jozefit iu deshën vite të bëhej realitet, por Perëndia nuk e harroi Jozefin; Perëndia nuk na harron as ne, edhe kur pritja mes premtimit dhe përmbushjes duket jashtëzaakonisht e gjatë. – Katelyn J. Dixon

Ndërsa luteni, kërkojini Perëndisë t’ju jap shpresë në ëndrrat tuaja dhe t’ju ndihmojë gjatë pritjes!

#fjalëteshpresës #meditime #biblestudy #dita79