Njeriu që mbajti kryqin e Tij

Dita 17 | Lexoni nga Luka 23:26-33

Kapën njëfarë Simoni nga Kirena . . . e ngarkuan me kryqin që ta mbarte pas Jezusit. (v. 26)

Në Jerusalem është një rrugë e njohur si “Via Dolorosa” (ose Rruga e Lotëve). Është rruga ku besohet se ka kaluar Krishti kur mbajti kryqin e Tij, në fakt, pjesën horizontale të kryqit, deri në vendin e ekzekutimit. I dobësuar nga rrahjet, Jezusi nuk ishte mjaftueshëm i fortë për të arritur deri në Golgota. Prandaj, ushtarët kapën një njeri për ta ndihmuar, njëfarë Simoni nga Kirena në Afrikën Veriore. Fakti që emri i Simonit përmendet në ungjij dhe që Marku përmend edhe emrat e dy bijve të tij (Mr. 15:21), na tregon që ai dhe familja e tij ishin të njohur në kishën e hershme. Simoni, që mori kryqin dhe ndoqi Jezusin, mundi ta njihte Atë në një mënyrë më të thellë dhe mbajti kryqin edhe në mënyrë të figurshme.

Të gjithë kemi nevojë të bëjmë si Simoni. Jezusi tha që ata që donin të ishin dishepujt e Tij duhej ta mohonin vetveten, të merrnin çdo ditë kryqin e vet dhe ta ndiqnin Atë. (Lk. 9:23). Të marrësh kryqin nuk do të thotë që të durosh situata të pakëndshme dhe të bezdisësh njerëzit. Në kohën e Jezusit, mbajtja e kryqit nënkuptonte udhëtimin vetëm vajtje drejt vdekjes. Është mënyra e Tij për të na thirrur që të vdesim për veten dhe të jetojmë për Të.

Nuk na kushton shumë të bëhemi ndjekës të Jezusit, na kushton gjithçka. Por nëse jemi të gatshëm t’i bashkohemi Jezusit rrugës për në kryq, zbulojmë një tjetër paradoks të Ungjillit. Rruga e pikëllimit bëhet rruga e gëzimit, rruga drejt qiellit. — David Bast

Ndërsa luteni, përkushtojuni Jezusit që do të merrni kryqin tuaj dhe do ta ndiqni Atë.

#fjalëteshpresës #meditime #biblestudy #dita17 #pashka #easter