Pa Justifikime

Dita 30 | Lexoni nga Eksodi 4:10-17

Të lutem dërgo dikë tjetër. (v.13)

Po të kisha parë një ferrishte që digjet, të kisha marrë premtime mahnitëse, dhe të kisha parë shenja të padiskutueshme, do të përgjigjesha si Isaia: “Ja ku jam! Dërgomë mua” (Isa. 6:8). A nuk do ta bëje edhe ti? Më shumë gjasa, do të isha pas Moisiut duke thënë: “Dërgo dikë tjetër.”

Si fëmijë, Moisiu nuk mund të imagjinonte të bënte atë që ende nuk ishte bërë. Dhe si prind, Perëndia zemërohet me Moisiun por nuk dorëzohet. Moisiu do ta bëjë këtë gjë të vështirë, pavarësisht hezitimit të tij. Një nënë e mirë e di se një fëmijë e ka kapacitetin të zgjidhë problemin matematikor, dhe nuk do ta lërë fëmijën t’ia hedhi. Ajo ndihmon në çfarëdo mënyre pa i bërë detyrat vetë. Këngëtarja Carrie Newcomer e përsërit këtë mendim në një këngë: “Ti mund ta bësh këtë gjë të vështirë. Nuk është e lehtë, e di, por besoj se ti mundesh. Ti mund ta bësh këtë gjë të vështirë.”

Perëndia siguron atë që Moisiu ka nevojë në çdo moment kthese. Ai nuk e heq thirrjen sepse Moisiu ka frikë. Aaroni mund të flasë. Kur Perëndia na jep një mision që ende nuk e kemi bërë dhe kemi frikë ta bëjmë, ai tashmë e di se ne mund ta bëjmë me fuqinë, praninë e tij dhe asaj që ai siguron.
Jezusi e dinte këtë premtim. Ai mori përsipër gjënë më të vështirë nga të gjitha: mbajtjen e kryqit për mëkatin e botës. Ai iu lut Atit ta hiqte (Luka 22:42). Ati refuzoi. Pa justifikime. Ti mund ta bësh këtë gjë të vështirë. Mik, çfarë gjëje të vështirë po të kërkon Ati sot? — Jon Opgenorth

Ndërsa luteni, kërkojini Atit t’ju japë guxim të bëni gjënë e vështirë që ju jeni të prirur t’i frikësoheni.