Pamja e shëmtuar e Jesusit

Dita 5 | Lexoni nga Isaia 52:13-53:2

Nuk kishte figurë as bukuri për të tërhequr shikimin tonë, as paraqitje që ne ta dëshironim. (v. 2)

Shpeshherë Isaia është cilësuar si ungjilli i pestë. Edhe pse i shkruar shekuj përpara, portreti i shërbëtorit të vuajtur të Perëndisë, sidomos në kapitullin 53, na përshkruan me detaje mbresëlënëse përvojën e vërtetë të Jezusit. Duket gati sikur në mundimet dhe vuajtjet e Tij, Krishti po ndiqte një shkrim të parashkruar, i përgatitur nga Autori i historisë dhe i botuar nga pena e profetit Isaia.

Gjëja e parë për të cilën flet profeti është se sa jotërheqës do të ishte Mesia. Paraqitja e Tij do të çudiste shumë veta, aq i shfytyruar sa gati nuk do të ngjante si njeri (52:14). Nuk do të kishte pamje dhe as bukuri që t’i tërhiqte njerëzit (53:2). Kur Isaia flet për jopashmërinë e Krishtit, nuk besoj se e ka fjalën për paraqitjen fizike të Tij. As nuk besoj se ai nënkupton që shërbëtori i Zotit nuk do të kishte asgjë të dëshirueshme. Ai e ka fjalën për pritjen që do të marrëMesia.

Para disa vitesh, kur isha i ri dhe një student me flokë të gjata, po vrapoja nëpër një aeroport për të kapur avionin. Ndërsa nxitoja nëpër derën e urës së avionit, dy burra me sy të ftohtë më kapën dhe më “ftuan” që t’i shoqëroja në një dhomë të vogël. Më pas, i pyeta agjentët e sigurisë se pse kishin vendosur të më kontrollonin, (mund të kem shtuar: një njeri i pafajshëm, i parrezikshëm dhe që i bindet ligjit, si unë.) “Sepse ti përputhesh me profilin,” mërmëriti njëri prej tyre.

Ky ishte problemi me Jezusin. Ai nuk i përputhej profilit të Mesias. — David Bast

Ndërsa luteni, rrëfeni dashurinë që keni për Shpëtimtarin tuaj, Jezusin.

#fjalëteshpresës#meditime#biblestudy#dita5