Paqja me ju

Dita 49 | Lexoni nga Gjoni 14:22-31

“Unë po ju lë paqen, po ju jap paqen time: unë po jua jap, po jo si e jep bota; zemra juaj mos u trondittë dhe mos u frikësoftë.” (v. 27)

Shumë kisha e kanë traditë të thonë “paqja me ju”, si një përshëndetje të përbashkët para se të fillojnë adhurimin. E vlerësoj këtë mundësi që të ndaj mesazhin e Jezusit për paqen me të tjerët dhe për të ofruar një shtrëngim dore ose një përqafim. Nëse duam të shohim paqe në botë, këtu duhet të fillojë, në karriket e kishave lokale. Por si mund të shkojmë përtej këtij shkëmbimi të shkurtër dhe të praktikojmë paqebërjen gjatë javës?

Në këtë pasazh, Jezusi ofron atë lloj paqe që fillon së brendshmi, që nuk varet nga situatat dhe që nuk matet me standardet e botës. Kjo paqe e thellë dhe e brendshme i ka rrënjët në premtimin e Jezusit që s’do të na braktisë kurrë. Është paqja e Tij “që ia tejkalon çdo zgjuarësie” (Fil. 4:7). Paqja e Tij do t’i mbrojë zemrat dhe mendjet tona kur jemi në ankth ose të frikësuar. Dishepujt nuk e kuptonin se sa shumë nevojë kishin për këtë siguri, ndërsa Jezusi i përgatit ata për nisjen e Tij përfundimtare. Ata duhet të ishin të bashkuar, me inkurajime dhe mbështetje për njëri-tjetrin. Marrëdhëniet paqësore jo domosdoshmërisht janë të përsosura, por kur njerëzit i bashkon pasioni për Princin e Paqes, ne jemi të pajisur për t’u përballur me pasiguri dhe vështirësi.

Prandaj, ndërsa zgjasim një dorë dhe ofrojmë paqen e Krishtit, përgatitemi për javën përpara, duke dhënë siguri që paqja e Perëndisë do të depërtojë në zemrat tona, pavarësisht se çfarë ndodh. — Denise Vredevoogd

Ndërsa luteni, kërkojini Jezusit t’ju mbushë me paqen e Tij dhe që ajo të rrjedhë te të tjerët.

#fjalëteshpresës #meditime #biblestudy #dita49