Pengim largpamës

Dita 56 | Lexoni nga Romakëve 9:30-10:13; Ligji i Përtërirë 30:11-14

Fjala është afër teje, në gojën tënde dhe në zemrën tënde. (Rom. 10:8)

Herën e parë që lashë syzet dhe fillova të përdorja lente, shikimi im nga larg u përmirësua goxha, mirëpo pengohesha tek shkalla që e kisha mu poshtë hundës. Në thelb, kjo është pikërisht ajo që po përshkruan Pali në lidhje me shikimin shpirtëror të besimtarëve judenj në kishën e Romës.

Leximi ynë për sot përmban disa nga vargjet më të vështira nga të gjitha letrat e Palit, mirë po leximi ynë “mbrapsht” i librit të Romakëve mund të na ndihmojë. Pali përdor imazhin nga kapitulli 9:32-33 të dikujt që ecën, i cili është aq i ngulitur tek rruga që ka përpara saqë pengohet tek një gur që gjendet mu përpara syve. Besimtarët romakë me prejardhje judease ishin të ngulitur me respektimin e Toras, duke i përbuzur vëllezërit dhe motrat e tyre johebrenj. Përgjigja e Palit ishte që shumë prej tyre ishin kaq të fokusuar tek respektimi i Toras saqë kishin anashkaluar hirin e Perëndisë tek Jezusi që ishte mu përpara tyre. Më tej Pali bën një ilustrim, të marrë nga Ligji i Përtërirë 30, duke thënë se ne nuk kemi pse të ngjitemi në qiell sepse Krishti erdhi tashmë këtu poshtë, dhe ne nuk duhet të zbresim në thellësitë e mëdha sepse Krishti tashmë është ringjallur prej së vdekurish (v. 6-7). Jezusi, pra, Mesia, është i pranishëm tani pikërisht në mesin tonë, si për judenjtë edhe për johebrenjtë. “Fjala është afër teje, në gojën tënde dhe në zemrën tënde” (v. 8).

A jeni edhe ju tepër të fokusuar tek sjellja e duhur dhe respektimi i rregullave saqë ta humbisni praninë dhe hirin e Perëndisë që është mu përballë jush? — Kent Fry

Ndërsa luteni, i kërkoni Perëndisë t’ju ndihmojë të shihni praninë e hirit të Jezu Krishtit në jetën tuaj.