Perëndi, ki mëshirë

Dita 19 | Lexoni nga: Luka 18:9-14

“O Perëndi, ji i mëshirshëm ndaj mua mëkatarit”. (v. 13)

A është virtyt dyshimi? Dyshoj për këtë, nëse Jezusi na thotë të ndalojmë së dyshuari. Epo, atëherë, a është mëkat dyshimi? Mund të jetë, por mund edhe të mos jetë, në varësi të llojit të dyshimit. Do të flas pak për llojet e dyshimit në ditët në vazhdim.

Por tani le të mendojmë se si mund të ndalojmë së dyshuari. Fundi i historisë që kemi parë te Mateu 14 (Pjetri që ecën mbi ujë) na drejton në drejtimin e duhur. Kur Jezusi dhe Pjetri hipën në barkë, era u fashit menjëherë. Pastaj, të gjithë ata që ishin në barkë e adhuruan Atë, duke thënë: “Me të vërtetë ti je Biri i Perëndisë!”(v.33).

Kura përfundimtare për dyshimin është t’i fiksojmë sytë e besimit tonë të pakët në madhështinë e Jezusit. Në krahasim me Të, stuhitë e jetës s’janë asgjë. Ai mund të duket sikur nuk po vepron, apo mund të vijë te ne mbi dallgë, apo mund ta qetësojë stuhinë me një fjalë (Mat: 8), por për shkak se Ai është vërtet Biri i Perëndisë, Ai gjithmonë zgjatet dhe e kap dyshuesin që thërret për mëshirë.

Kjo është ajo lutja të cilës Perëndia i përgjigjet gjithmonë, e bërë qoftë nga besimtarët, dyshuesit, apo jobesimtarët. “O Perëndi, ji i mëshirshëm ndaj mua mëkatarit”. Kjo është fjala e fundit për dyshimin tani; mëshirë. Ashtu si Jezusi iu përgjigj Pjetrit, edhe ne duhet t’i përgjigjemi një dyshuesi, jo me zemërim apo me refuzim, por me mëshirë, edhe nëse ky dyshues është vetë vetja jonë. Jezusi tregoi mëshirë. Edhe ne duhet ta bëjmë. — Stan Mast

Ndërsa luteni, lexoni fjalët e vargut që lexuam: “O Perëndi, ji i mëshirshëm ndaj mua mëkatarit”. Për hir të Jezusit!

#fjalëteshpresës #meditime #newyear2025 #dita19