Qiejt u hapën

Dita 50 | Lexoni nga Ezekieli 1:1-9; 25-28

“…qiejt u hapën dhe pata vegime nga ana e Perëndisë. (v. 1)

Një herë, kur isha i vogël, prindërit e mi njoftuan se do të shkonim në Baskin Robins. Nuk kisha dëgjuar kurrë për të dhe nuk i besoja gjërave të reja, ndaj u ankova. Pastaj, kur arritëm, mbeta i shtangur. Akullorja më dukej e njohur, por kishte formë plotësisht të panjohur. Edhe kekët dhe gjërat e tjera ishin me ngjyra të ndezura. Vetëm pasi i shijova gjërat e kuptova se ky ishte vendi ku doja të isha. Tek Ezekieli 1, hapen qiejt dhe profeti e gjen veten në një vend të ri. Ai mbetet i mahnitur nga ajo që sheh. Pamja është përtej përjetimeve të Ezekielit dhe ai has vështirësi për të gjetur fjalët e duhura. Në qendër të fronit, i ulur ishte dikush që i ngjante dhe nuk i ngjante njeriut.

Ezekieli del në përfundimin se: “Ajo ishte një shfaqje e shëmbëlltyrës së lavdisë të Zotit.” (v. 28) Ezekieli bie me fytyrë, i pasigurt nëse qielli është vendi ku ai do që të jetë. Unë flas rregullisht me të krishterët që shprehin dyshime për jetën tjetër. Bibla është e pasur me premtime për një të ardhme të përjetshme, por jep pak detaje. Po ju them dy fjalë ngushëllimi; së pari, destinacioni ynë përfundimtar nuk është thjesht një qiell i bukur, por një ribashkim i qiellit dhe i tokës. Më e mira e kësaj bote është një parashije e kënaqësive që ende nuk mund t’i përfytyrojmë dot. Së dyti, “lavdia e ZOTIT” na i ka bërë veten të njohur në Jezusin.

Sa më shumë që i afrohemi Jezusit në këtë jetë, aq më të njohur do ta ndiejmë qiellin në jetën tjetër. — Ben Van Arragon

Ndërsa luteni, kërkojini Zotit që t’ju hapë zemrën ndaj gjërave qiellore.

#QiejtUHapën #LavdiaEZotit #Ezekieli #VegimeHyjnore #BiblaFlet #FrymëzimBiblik #BesimiIm #JetaERe

#ZotiFlet #FjalëteShpresës #Meditime