Të trazuar apo me besim?

Dita 47 | Lexoni nga Gjoni 13:33-14:7

Zemra juaj mos u trondittë, besoni në Perëndi dhe besoni edhe në mua! (v. 14:1)

Gjatë sulmit terrorist në vitin 2001 në Qendrën Botërore të Tregtisë, pati një panik masiv në atë ndërtesë. Lajmërimet në ndërtesë u thoshin njerëzve të qëndronin aty ku ishin. Një drejtues departamenti i tha stafit të tij që t’i shpërfillnin këto udhëzime dhe ta ndiqnin atë, në rresht për një nëpër shkallë. Të gjithë ata që e bënë këtë mbijetuan. Por atyre iu desh të besonin se lideri i tyre e dinte se çfarë po bënte.

Kur Jezusi i kërkoi dishepujve që ta ndiqnin Atë, ata i besuan Atij. Ata qëndruan me Të për 3 vjet. Por pastaj (edhe pse atyre duhet t’i ketë ardhur e papritur), Ai u tha që po largohej. Të pështjelluar, Pjetri, Thomai dhe Filipi folën dhe me shqëtësim bënë pyetje. Jezusi e ndjeu këtë. “Mos u shqetësoni,” tha Ai, “Më besoni mua! Nëse besoni në Perëndinë, besoni dhe në Mua!” Në thelb, Ai po u thoshte: “Përqendrohuni tek Unë dhe te Ati që më ka dërguar. Edhe nëse nuk ju duket se ka kuptim për ju tani.” (shikoni 14:7).

Askush nuk e di me të vërtetë se çfarë mban e ardhmja. Ne përpiqemi ta parashikojmë atë për të qetësuar shqetësimet tona, por te Mateu 24:6-7, Jezusi na paralajmëron që do të ketë “luftra dhe ushtima luftrash,” rivalitete ndërkombëtare dhe “zi buke e tërmete.” Por sërish, Jezusi nuk donte që dishepujt e Tij të alarmoheshin, as nuk do që ne të jemi të tronditur dhe në ankth. (Gjoni 14:1). Në vend të këtyre, Ai premtoi se do të përgatiste një vend në shtëpinë e Atit të Tij, duke na garantuar se ne do të jemi përgjithmonë me Të (v.2-3), pavarësisht se çfarë ndodh në këtë tokë. — Denise Vredevoogd

Ndërsa luteni, kërkoni që zemra juaj e trazuar të bëhet një zemër me besim, që mbështetet te “udha, e vërteta dhe jeta”. (Gjoni 14:6).

#fjalëteshpresës #meditime #biblestudy #dita47