Të vdekurit me Krishtin, të jetuarit me Krishtin

Dita 4 | Lexoni nga Romakëve 6:1-11

Nëse ne vdiqëm me të, me të edhe do të rrojmë; në qoftë se vuajmë, do të mbretërojmë bashkë me të. (2 Tim. 2:11-12)

Me shumë mundësi jeni të njohur me bisedat për vdekjen e Jezusit në kryq. Krishti vdiq për ne, për mëkatet tona, por për të krishterët, ka edhe një mënyrë tjerër për ta menduar vdekjen e Krishtit. “Unë u kryqëzova bashkë me Krishtin…” (Gal. 2:20). “…ju keni vdekur dhe jeta juaj është fshehur bashkë me Krishtin në Perëndinë.” (Kol. 3:3). Kjo është një mënyrë dramatike për ta përshkruar ndryshimin mes jetës përpara Krishtit dhe asaj pas Krishtit. Është njësoj si të vdesësh dhe të varrosesh dhe pastaj të ringjallesh prej së vdekurish në një jetë të re.”

Nga kjo rrjedhin dy gjëra. Së pari, ne duhet të jetojmë jetën e re dhe jo të vjetrën. “Kështu edhe ju, konsideroheni veten të vdekur për mëkatin, por të gjallë për Perëndinë, në Jezu Krishtin, Zotin tonë.” (Rom.6:11). Së dyti, kjo jetë e re është e përjetshme. Vdekja nuk është fundi për ata që e kanë vendosur besimin te Jezusi, por është vetëm fillimi.

Pali i thotë Timoteut se kjo është e besueshme. Megjithatë, është edhe e kushtëzuar. Nëse ne kemi vdekur në Krishtin, do të jetojmë me Të dhe nëse durojmë, do të mbretërojmë me Të. Të vdesim në Krishtin do të thotë të identifikohemi me Të në vdekjen dhe ringjalljen e Tij dhe të bëjmë që të vdesë mëkati që mbetet në ne. Të qëndrosh do të thotë të vazhdosh taë bësh këtë deri në fund. Premtimi i jetës nuk është për ata që e nisin garën e krishterë, por për ata që e përfundojnë atë. — David Bast

Ndërsa luteni, kërkojini Perëndisë t’ju ndihmojë të përfundoni garën e besimit.

#fjalëteshpresës#meditime#biblestudy#dita4