Unë Jam

Meditime 1 Dhjetor (Lexoni nga Eksodi 3:1-14)

Jezusi u tha atyre: ”Në të vërtetë, në të vërtetë unë po ju them: para se të kishte lindur Abrahami, unë jam”. (Gjoni 8:58)

Çfarë thoni ju kur ju kërkojnë të prezantoheni? Thoni emrin? Profesionin? Ju mund të identifikoheni me anë të një lidhjeje – si prindi, bashkëshorti/ja, vëllai/motra ose miku/mikesha e dikujt? Ndoshta keni një “fakt argëtues” gati për ta ndarë me dikë që do t’ju njohë.

Kur Perëndia e takoi Moisiun te shkurrja në flakë, Moisiu i kërkoi që të prezantohej si duhej. Ai donte që të mund të shpjegonte se kush e kishte dërguar kur të kthehej te pjesa tjetër e popullit, por emri që i dha Perëndia Moisiut ishte njëfarë enigme: “UNË JAM AI QË JAM”. Më shumë se një mijë vjet më vonë, Jezusi përdori të njëjtën frazë për veten. Kur ai tha: “Para se të kishte lindur Abrahami, unë jam”, Jezusi e shpalli qartazi një identitet hyjnor. (Gjoni 8:58).

Gjatë 25 ditëve në vazhdim, që na çojnë te festimi i lindjes së Jezusit, ne do të shikojmë 25 emra të ndryshëm për Jezusin në Bibël. Çdo javë do të kemi një fokus të ndryshëm: profecinë e Isaias për emrat e Mesias që do vijë, shtatë deklaratat “Unë Jam…” të Jezusit në ungjillin e Gjonit, emrat që i kanë dhënë Krishtit te Zbulesa dhe titujt e ndryshëm “Biri i…” për Jezusin. Sot do të përqendrohemi tek emri më i thjeshtë, e megjithatë, më i thelli nga të gjithë: Unë Jam.

Ndaloni pak dhe reflektoni për emrin Unë Jam. Çfarë do të thotë për ne që para se të lindte në një grazhd, Jezusi ka qenë gjithmonë? Që Ai është edhe tani? Që përgjithmonë emri i tij do të jetë Unë Jam? – Sarah Sanderson

Ndërsa luteni, kërkojini Perëndisë t’jua prezantojë Veten edhe një herë!

#krishtlindje #christmas #1dhjetor #fjalëteshpresës #meditime #app #ios #android