Vështirësitë Ndërtojnë Qëndrueshmëri

Dita 34 | Lexoni nga Psalmi 69:1-5, 30-36

Njerëzit e përulur do të shohin dhe do të gëzohen; dhe për ju që kërkoni Perëndinë, u përtëriftë zemra juaj. (v. 32)

Të jesh i krishterë nuk do të thotë të jesh imun ndaj vuajtjes dhe vështirësive. Në fakt, ndërsa jeta kalon, do të prekemi nga ngjarje të ndryshme jetësore (Gjoni 16:33). Ndonjëherë këto ngjarje sjellin gëzim, por jo rrallë ato sjellin edhe vuajtje, madje vuajtje që nuk shkaktohet nga gabimet apo mëkatet tona. Ka edhe njerëz që vuajnë pikërisht sepse mbrojnë dhe zbatojnë të vërtetën.

Edhe psalmisti e përjetoi këtë. Ai pohoi se kishte mbartur turp (v. 7), dhe zelli i tij për shtëpinë e Perëndisë e kishte konsumuar (v. 9). Trishtimi i psalmistit përshkruhet në mënyrë të jashtëzakonshme si dikush që po fundosej në Sheol (bota e të vdekurve). Ai është i huaj për jetën e vet dhe ndodhet në një situatë pa ndihmë, ndërsa rreziku e rrethon (vv. 1-2). Psalmisti nuk mund të kuptonte se kishte njerëz që e urrenin pa arsye dhe donin t’i merrnin jetën (v. 4). Nëse lexojmë me kujdes, ky psalm është forcë për ata që janë të gatshëm të vuajnë për Perëndinë. Megjithatë, do të duket i çuditshëm për ata që kurrë nuk e kanë kuptuar se dashuria për Perëndinë është një luftë e vështirë.

Vështirësitë mund të ndërtojnë qëndrueshmëri dhe nuk janë gjithmonë të këqija për ne — tek Romakëve, Pali përshkruan mënyrën se si vuajtja mund të sjellë në këmbëngulje, karakter dhe shpresë (Rom. 5:5). Kur vështirësia çon në lavdërim, Perëndia lartësohet (Ps. 69:30-36). — Agus Gunawan

Ndërsa luteni, kërkojini Perëndisë t’ju japë forcë për të vazhduar të mbështeteni dhe të keni besim te Ai.