Zemra e Ungjillit

Dita 12 | Lexoni nga Isaia 53:5-8

Zoti bëri që të bjerë mbi të paudhësia e ne të gjithëve. (v. 6)

Cili është mesazhi kryesor i besimit të Krishterë? Apostulli Pal e përmbledh shërbesën e predikimeve dhe mësimeve të tij kështu: “mesazhi i kryqit” (1 Kor. 1:18). Më vonë, në të njëjtën letër, ai thotë se mesazhi i Ungjillit është “se Krishti vdiq për mëkatet tona sipas Shkrimeve…” (1 Kor. 15:3) Shumë gjëra janë të rëndësishme për besimin e Krishterë, por njëra është kryesore, mesazhi i kryqit, qëllimi dhe kuptimi i vdekjes së Jezus Krishtit.

Bibla na ofron shumë arsye për vdekjen e Krishtit. Nga njëra anë, vdekja e Jezusit siguron një shembull se si besimtarët duhet të durojnë vuajtje (1 Pje. 2:21). Kjo tregon dashurinë e Perëndisë (Rom. 5:8). Gjithashtu vdekja e Krishtit na kujton që Vetë Perëndia e di se si është të vuash dhe të vdesësh. “Po të mos ishte për kryqin, unë vetë nuk mund të besoja në Perëndi,” e pranon pastor John Stott. “Në një botë të vërtetë dhimbjesh si mund të adhurosh një Perëndi që është imun ndaj saj?” (Kryqi i Krishtit). Dhe kryqi është vendi ku Perëndia i mundi forcat e së keqes (shih Kol. 2:14-15).

Por ashtu si me Ungjillin, edhe me kryqin, shumë gjëra janë të rëndësishme, njëra është kryesore. “Zoti bëri që të bjerë mbi të paudhësia e ne të gjithëve.” (Isa. 53:6). Në kryq, Perëndia siguroi një zëvendësues që të zinte vendin tonë dhe të merrte mëkatet tona. Ky zëvendësues është Jezus Krishti, i pamëkati, sakrifica e përsosur e të cilit përmbush kërkesat e drejta të ligjit. Kjo është zemra e Ungjillit. A e ruani në zemër këtë? — David Bast

Ndërsa luteni, falënderoni Jezusit që bëri atë që ju nuk mund ta bëni dot.

#fjalëteshpresës#meditime#biblestudy#dita12